AIFAESA.I.P Lansa Relatoriu Tinan Lima, Dalan Asegura Ai-Han Kualidade Ba Konsumidor
SAPNewsTL, DILI : Autoridade de Inspesaun e Fiskalizasaun da Atividade Ekonomika Sanitaria e Alimentar Institutu Publiku (AIFAESA.I.P) halo lansamentu relatoriu situasional ba atividade komersial no analiza risku ba rotulajen husi produtu ai-han iha Timor-Leste nian ba 2017-2022.
“AIFAESA.I.P hala’o nia kaar ho atividade inspesaun no fiskalizasaun ba area ekonomia sanitaria no alimentar, no mos iha departementu ida ne’ebe estudu kona ba kualidade, ohin ami halo lansamentu relatoriu analiza iha ne’e kona-ba relatoriu peskiza ne’ebe durante tinan 5 nia laran hahu husi 2017-2022 ne’ebe liu husi relatóriu ida ne’e ami sei identifika oinsa para bele dadus sira ne’ebe iha hodi analiza ba parte sientifiku nian, hodi bele espalla informasaun kona ba kualidade ne’ebe ezisti iha ita nia rai tantu produtu iha rai laran no produtu importasaun ne’ebe serkula iha ita nia merkadu lokal”, Dehan Diretor AIFAESA.I.P Ernesto Monteiro ba Jornalista sira iha Salaun Delta-Nova,kuarta (13/12).
Diretor ne’e akresenta, lansamentu ida ne’e atu halo analiza profundu kona-ba kualidade ne’ebe ezisti iha Timor-Leste, nune’e liu husi lansamentu ida ne’e sei hetan informasaun kritika nomos informasaun sira ne’ebe bele hadia kualidade produtu ne’ebe sirkula iha nasaun liuliu iha merkadu tanba ne’e kuandu ko’alia kualidade ida ne’ebe aat liu no ida ne’ebe diak liu, liu husi meiu ida ne’ebe liga ba laboratorium hodi identifika kualidade
Nia esplika, risku rotulajen siginifika sasan sira ne’ebe hakerek iha nia pakotementu katak, ninia misturasaun ezemplu serveza iha nia kalen lolon ne’e hakerek iha ne’eba 4,5%, maibe na realidade 5 no 6% hanesan ne’e, entaun prezudika, tan ne’e seidauk iha lei propriu ida hodi ko’alia kona ba rotulajen, susar ba sira atu foti desizaun no AIFAESA.I.P la’os buka reseita maibe buka oinsa kontribuisaun operador ekonomia sira hodi proteje konsumindor, ida ne’e sira la’os halo de’it inspesaun, fiskalizasaun maibe sira mos divulga informasaun kona ba lei hodi nune’e operador sira iha divulga sira iha obrigasaun.
Iha fatin hanesan Sekretariu Estadu Kooperativa(SEKoop) Elizario ferreira hatete, ohin AIFAESA, IP halo serimonia lansamentu ba rezultadu peskiza ne’ebe asegura ai-han kualidade ba populasaun sira
“Ohin AIFAESA, IP halo serimonia lansamentu ba resultadu peskiza AIFAESA, IP ne’ebe asegura kualidade ai-han ba ita nia povu sira, ita nia povu iha direito atu hetan aihan ne’ebe iha kualidade, nu’udar sekretario estadu reprezentante Ministerio Coordenador dos Assuntos Economicos (MCAE) iha eventu ida fo parabens ba sira nafatin husu MCAE no membru governante sira nafatin reforsa instituisaun ida ne’e, nafatin halo peskiza hodi nune’e identifika liu tan desafiu atu bele fo solusaun liu husi meius ida ne’e”, tenik Elisario
Elisario hatutan, parte SEKoop akompanha Laos ba importasaun no prosesamentu ne’ebe objetivu husi lansamentu ne’e atu asegura sustentabilidade instituisional AIFAESA, IP nian ba estabilidade fnanseira no ekonomia hodi asegura katak povu hotu-hotu iha ai-han ne’ebe ho kualidade, hein katak governu ba oin sei projeta atu iha fatin laboratoriu diak hodi asegura ai-han ne’ebe kualidade maski serbisu instituisaun hotu iha risku maibe risku laos halo atu inkapasita kriativu oinsa fo solusaun ba risku
Jornalista : Ermelinda Soares