Asegura Ema Hotu Iha Oportunidade, KFP Valoriza Funsionáriu Públiku Na’in 9
SAPNewsTL, Dili : Komisaun Funsaun Públika Selebra Estadu Timor Leste nia progresu liu husi valorizasaun matenek esperiensia no kapabalidade funsionariu publiku sira, Tuir Carmeneza dos Santos Monteiru hateten estadu nafatin foti vantajen husi nia rekursu hodi kontribui ba pensamentu politika publiku no asaun sira iha prestasaun serbisu iha Timor Leste.
“Rejime espesial senior ne’e governu hasai ho intensaun atu valoriza matenek sira iha funsaun públika ninia laran, hanesan ema sira enposadu ohin loron ninia sira mesak ho esperiensia no eskola ne’ebe bo’ot no matenek, ki’ik liu mak balu ho esperiensia durante tinan 13 iha administrasaun publika, Sira barak hasai kursu mestradu iha Indonesia, Nova Zelandia no mos iha Australia”. Dehan komisaun funsaun publiku ba rekrutamentu seleksaun promosaun kareira iha funsaun publika Carmeneza dos Santos Monteiru ba Jornalista iha Salaun Palasio da Cinzas Caicoli, Tera-feira (20/09/2022)
Nia hatutan, objetivu atu foti vantejen husi matenek sira iha funsaun publika nia laran hamutuk nain sia (9) ne’ebe simu ona tomada da posse ba rejime profisional senhores ho areia ne’ebe mak diferente no grau ne’ebe Diferente hanesan grau A no B, atu sira kontinua kontribui ba dezenvolvimentu iha administrasaun públika ba futuru
Nia akresenta, dala barak ema sira ne’ebe iha administrasaun publika kuandu sira ninia esperiensia barak ona, sira ba koko buka serbisu iha fatin seluk, tanba ho Sistema Rejime Salariu di’ak liu duke iha funsaun publika nia laran, Nune’e mak governu iha 2017 hamosu rejime ida ne’e atu foti vantajem husi senhores no senhoras sira ne’ebe mak riku,matenek iha administrasaun publiku nia laran
Nia fundamenta, selebra progresu iha prosesu Sistema rekursu humanu liu-liu esforsu atu asegura ema hotu iha oportunidade no asesu ne’ebe hanesan ba vaga sira iha instituisaun estadu liu husi prosessu selesaun por méritu
Enkuantu, emposadu hirak ne’e mai husi ministériu ne’ebe la hanesan no sei ba servisu iha ministériu sira ho sira nia matenek no experiensia barak
“Sira nia nivel sei sa’e ba senior profisional, sira ne’e eleva ona ba iha topu aas liu hanesan grau asesoria tanba konsidera sira ne’e riku ho matenek ho sira nia esperiensia sira, sira hotu mai husi ministeriu ne’ebe mak lahensan maibe ministeriu ne’ebe sei simu sira mak Asuntu Parlamentu no Komunikasaun Sosial, Ministeriu Ordenamentu Teritoriu, Ministeriu Agrikultura e Peska, no Misnisteriu Justisa inklui Terras e Propriedades”. Nia Hakotu
Jornalista : Marcela Lemos & Marcela da Silva
Editor : Luis Pailofo