Fraternidade Humana Dalan Ba Dialogu No Paz, Halakon Egoizmu No Arogánsia Iha TL

SAPNewsTL(Dili) : Dom Virgilho Cardeal do Carmo da Silva SDB hateten Timor Leste nu’udar nasaun kiik ida iha mundu no ASEAN, iha ne’ebe adota ona  dokumentu Fraternidade Humana  nu’udar mata dalan ba moris sociedade sosial politika no Demokrasia.

      “Dokumentu Fraternidade Umana kona-ba Paz Mundial no Konvivensia komun ne’ebe asina husi papa Francisco ho sacerdote musulmano AL-AZHAR,  AHMAD AL -TAYYEB ninia inside proprio hakerek nunee”, Fiar lori  ema fiar nain sira haree iha sira seluk maun-alin ida ne’ebe tenki ajuda no hadomi husi fiar Maromak ne’ebe mak halo buat hotu,  kriatura tomak ho ema”, dehan Dom Virgilho Cardeal Hafoin lansamentu Fraternidade umana iha Palasio presidensial Nicolau Lobato Bairo-Pite segunda feira ne’e (19-09).

Tuir Dom Virgilho Cardeal Do Carmo Da Silva, Dukumentu Fraternidade umana hanesan Dialogo atu aprende lisaun importante  husi Grupo no ema seluk.

      “Dialogo nu’udar instrumentu relevante ba tempu ohin loron atu bele hasoru prezunsaun iha aspeitu oioin moris nian ho dialogo, husik Hela ita nia ego no arogansia sira”. (dehan Dom Virgilho Cardeal Do Carmo Da Silva)

Tuir Cardeal Dom Virgilho, Dokumentu Fraternidade umana ne’e fo hanoin ba Timor oan atu labele resolve poblema violensia Mundial mesa-mesak maibe Fraternidade mak dalan uniku atu bele sai salva an hamutuk.

Aleinde ida ne’e, Dokumentu Fraternidade umana fo hanoin ba relijiaun sira hotu labele kontra malu, maibe tenki kaer liman hamutuk.

Dokumentu Fraternidade umana sei sai hanesan memoria komum ba dalan Fraternidade nian tanba Ema iha mundu presiza Fraternidade.

Entertantu, tuir Kadeal Dom Virgilio katak  Papa Francisco afirma, perigu boot ida iha moris ohin loron mak Inamizade, distruisaun, funu laran moras no odio entre sociedade umana nian, ho dokumentu ida ne’e nu’udar maneira fundamental  no mos solusaun entre relijaun sira.

Jornalista : Vinsensius Saldanha Morais De Araujo

Editor       : Luis Pailofo