Asidente Tráfegu ! Karreta Gran Max & Motor Soke Malu
SAPNewsTL, Dili : Durante udan boot ne’ebe akontese iha kapitál Dili orseik, 01/03/2024, mosu asidente ida entre karreta grand max no motor ida soke malu iha area kantor polísia Bekora, Postu Administrativu Kristu Rei, Munisipiu Dili.
Tuir informasaun ne’ebe Jornalista SAPNewsTL kolleta iha lokal akontesimentu informa katak asidente ne’e la rezulta ema kanek no ema mate.
Karreta gran max ho xapa matríkula A 28-093 ne’e halai husi diresaun Kampus UNITAL atu ba diresaun Eskola STL Bekora mak la espera sofre asidente.
Entretantu, motor ho xapa matríkula 6090 ne’e halai husi diresaun Bekusse ba terminal bekora mak hetan soke husi karreta gran max refere.
Hafoin asidente ne’e akontese, parte polísia konsege to’o iha fatin akontesimentu hodi halo identifikasaun, portantu insidente ne’e mosu uha Postu Administrativu Kristu Rei Munispiu Dili mais ou menuz tuku 18:20 oras loraik, (Bekora Dili, 01/03/2024).
Jornalista : Antonio Tilman