Assanami Kongratula Traballador Timorense, PD Sei Kria Lei Proteje Traballador Ho Saláriu Dignu

SAPNewsTL, Vikeke : Partidu Demokratiku (PD) liu husi komisiu ba daneen iha Munisipiu Vikeke, Presidente PD Mariano Assanami Sabino fo agradese no kongratula ba traballador sira iha mundu liliu Traballador Timor Leste, PD sei halo lei hodi proteja servisu nain sira hotu ho dignu no hasa’e salariu ba $200 dolar kada fulan, tanba salariu $115 dolar la sufisiente ba traballador sira

Presidente PD parabeniza traballador sira iha mundu tomak liliu Timor oan sira ne’ebe iha rai-laran no rai-liur, tanba nia konsidera mundu ne’e muda husi servisu na’in sira, modernizasaun no mudansa ne’e mai husi traballador sira, Timor Leste tenki dignifika ema hotu, tenki hasa’e salariu traballador ba $200 dolar

“Ohin Loron traballador sira nian iha mundu, Lori PD nia naran hato’o parabens ba traballador sira, sasan iha mundu ne’e muda mai husi traballador sira, imi dignu iha imi nia servisu, imi nia servisu mak lori mudansa ba nasaun, Timor Leste tenki dignifika ema hotu, tenki hasa’e salariu traballador ba $200 dolar, maubere oan labele sai kakutak patraun, kapitalista, ditadura, ami sei halo lei hodi proteje traballador sira nia direitu, ema hotu tenki servisu dignu, servisu bele kiik ida maibe servisu tenki dignu, servisu hotu hanesan deit, PD sei tane aas ema hotu iha servisu saida deit”. Tenik Presidente PD Mariano Assanami Sabino iha Munisipiu Vikeke, 01|05|2023

Entretantu, Iha Komisiu Assanami mos alerta ba Vikeke oan sira, hamutuk hatuur estadu Republika Demokratika de Timor Leste, labele kaer fatuk tuda ema tanba ne’e traisaun ba heroi funu nain sira, hamrik salva estadu no hasai povu husi kiak no mukit

“Ha’u agradese tebes tanba Munisipiu Vikeke la boot  hanesan munisipiu seluk maibe, kada tinan 5 ou 10 eziste nafatin, maske imi hasoru konflitu ho partidu sira seluk maibe imi nafatin hamriik  metin ho PD, Ha’u husu ba povu vikeke, hader ona no fanun fila fali hamrik hodi defende povu kiak sira, luta ba demokrasia, hatuur republika demokratika la fasil duni, PD hamrik atu salva povu Timor Leste atu labele sai hanesan nasaun  afrika, mocanbique, Guine-Bissau ne’ebe sentralizmu demais maibe laiha valor no rejultadu husi ukun, ikus mai povu nafatin kiak, maibe organizasaun resistensia sira okupa ukun no lakohi tun sai sentralizmu no ditadura hodi rezulta numeru kiak aumenta nafatin”, haktuir Assanami

Presidente PD ne’e haktuir “Partidu Demokratiku nia  hari’i husi lutador sira ho hatutan valores ne’ebe proklama husi FRETILIN katak Republika Demokratika Timor Leste, ida ne’e ha’u hakarak fanun povu Vikeke para atu hader, labele dukur, la bele hanoin katak PD ne’e traidor, labele hanoin PD ne’e kualker partidu, lakualker partidu la hanesan partidu seluk, ha’u apela sein partidu demokratiku laiha valor republikanu  no demokratiku sai lisan ba moris no sai lisan ba ukun, nasaun sei rahun nasaun no hakdasak povu sei terus”.dehan Assanami

Nia Akresenta, “uza Guvernu, Parlamentu, Presidensia hanesan partidu nian, la fo tempu, la fo espasu ba ema hotu-hotu para hotu hotu ba oin fo liman ba malu lao ba oin ho  kapasidade ida-idak nian, ita mak buat ruma kiik oan, ita kaer fatuk mak tuda malu ne’e traisaun ba demokrasia no heroi sira, ema hotu livre, laiha tauk, hanoin mak negativu deit tanba saida tanba lider sira iha palku hanoin negativu, hakarak manu mean baku fila, manu mutin baku fila, kakutak baku fila halo sei nasaun baku fila. tanba ne’e ita tenki fila fali ba hamutuk lori nasaun ba oin”. sublinha nia

Assanami hatutan, PD hamrik para hakotu konflito tanba PD jerasaun fretilin, jerasaun maubere, jerasaun Maun Xanana, konflitu ida ne’ebe kee naruk no la iha valores ba povu ida ne’e, ukun an tinan 24 ona maibe povu kontinua kiak, servisu laiha, estrada ladiak, peskas la desenvolve, agrikultura la desenvolve, mudansa laiha

“Ita ukun an mais Atanbua nia dezenvolve  liu tiha fali ita, ita 24 anos ita luta ba ukun an, 24 anos luta ba libertasaun povu, uluk ami luta ami hakarak, ami nia alin sira iha osan barak, iha uma diak, lao pasiar ba Roma, Portugal, maibe ohin nafatin  ami aziste imi nafatin sebisu laiha, osan kiik, osan laiha, ba deit Bali mos labele, ita iha mehi diak, ita lakohi lider sira iha mehi deit maibe la realiza, tanbasa mak ita labele ba oin tanba ita uza politika para konflitu nafatin satan malu, hatun malu no hasa’e malu”. hatete Assanami

Jornalista : Luis Pailofo