Bankada PD Kestiona Estatutu Funsionário Kazuais, Kontratadu no Saláriu Mínimu

SAPNEWSTL, Dili  – Reprezentante Povu iha uma Fukun Parlamentu Nasional (PN) Deputadu Bancada Partidu Demokrátiku (PD) Marianu Assanami Sabinu Kestiona Funsionáriu Kontratadu no Kazuais inklui saláriu mínimu ba funsionáriu sira ne’ebe seidauk muda

Tuir Deputadu Marianu Assanami Sabinu hateten kestaun ida ne’ebe importante ba estadu ne’e mak funsionáriu sira servisu balu kazuais, kontratdu no salariu minimu ne’ebe sei nafatin

“Kontratadu sira ne’e ho hanoin servisu ida ne’ebe mak fulan ida ka rua fulan ne’en ou tinan ida ne’e mak karakter kontratadu, Kuandu hanesan voluntariu ne’e nia servisu ne’e liu tiha tinan ida nia presija servisu nafatin ne’e bele permanente ona”. Dehan Deputadu Bankada PD Mariano Assanami iha plenária Parlamentu Nasional,Segunda feira (04/04/2022).

Deputadu ne’e hatutan, opta permanente ou la opta, funsionariu barak ne’ebe servisu ona kuaze ke tinan sanulu tinan, sanulu resin lima, ou tinan lima ba leten mais nia status ne’e nafatin kontratadu, ne’e oinsa, katak servisu ne’e servisu permanente ida laos kontratadu Entaun ho ida ne’e tenki muda ona ida  ne’e

“Funsaun Públiku tenki tau matan ba servisu ne’ebe defenidu katak permanente ne’e presija duni rekruta  ema ne’ebe ho permanente, la’os uza servisu ne’e ho kontratadu nafatin, kuandu ita depende ba politika ida sa’e, ida tun, hodi troka fali ho nia ema, ida ne’e ba estadu haree halo nusá, ida seluk fali mak salariu uluk iha diskusaun ita ko’alia ona maibe salariu mínimu nafatin, tenke muda ona, tempu ona para hotu-hotu tenke haree ida ne’e laos haree ho oklu politika nia, oklu interese nian, ho oklu manan eleisaun maibe oinsa harii estadu”. hateten Assanami

Nia hateten ema barak dala ruma hasai nia S1 nia sai ba liur, S2 sai ba liur tanba servisu ne’ebe mak iha ne’e la tuir saida mak nia aprende ona ho titulo ne’ebe nia hetan,  diploma balun iha polísia, Diploma balun iha funsionáriu

“Ita haruka joven sira ba eskola iha rai liur, no sira fila mai fatin la iha ba sira atu servisu, ita fo bolsu estudu ba sira maihe ikus sira fila mai  buka rasik nia servisu ne’e ha’u hanoin problema estadu nia ne’ebe mak ministru tenke tau atensaun seriu”. Nia dehan

Entretantu, Deputadu Assanami husu  Ministru Ministériu Negosiu Estrangeiru no Kooperasaun (MNEK) no Sekretaria Estadu Formasaun Profisional no Empregu (SEFOPE) tau matan ba joven sira ne’ebe ke servisu iha liur, dignifika sira, kontrola sira no hatene sira nia paradeiru

Jornalista : Eduardo Moniz

Editora     : Marcela Mery da Costa