Boatus Mina Maran, PM Taur: Ita Konfia Empreza Sira, Mina Litru Millaun 4 Iha Tasi-Klaran
SAPNewsTL, (Dili) : Primeiru Ministru Taur Matan Ruak husu Populasaun labele pániku ho boatus ne’ebe dehan katak Fornesimentu kombustivel Gazolina no Gazoleo sei Maran.
Lia hirak ne’e hato’o Husi Primeiru Ministru Taur Matan Ruak hafoin hasoru malu ho Presidente da República José Manuel Ramos Horta iha Palasio presidensial Nicolau Lobato Bairo-Pite Quinta-Feira ne’e.
“Ohin hasoru malu ho Sua Excelénsia Presidente da Repúblika, Ha’u Simu ona Informasaun husi Ministru Petroleu kona ba boatus ne’ebe la’o iha Dili laran katak mina sei laiha, no mina sei Maran, Tanba ne’e maka ha’u dehan ba Sua Excelénsia Presidente da Repúblika lalika preokupa kona ba ida ne’e, Ita sei konfia hela empreza sira ne’ebe hala’o hela sira nia aktividades”. ( Dehan Chefe Governu ba Jornalista sira iha Palasio Presidensial Nicolau Lobato), Dili, 28/07/2022
Aleinde ida ne’e mos Chefe Governu Mos husu ba Populasaun hotu Atu labele pániku Tanba Kombustivél Gazolina no Gazóleu Litru millaun 4 mak sei iha Tasi klaran.
Tuir Primeiro Ministru Mina Maran, para tiha karreta ho motor la’o ain deit.
“Uluk situasaun pior ida ne’e mos ita Jagoan, la’os agora Mina Maran ita halai Duni mate-an fali. Mina Laiha, para tiha motorizada karreta no motor la’o ain, Maromak tau ita nia ain atu halo saida, katak La’o. ami la’o Tinan 20 iha ai-Laran ami bele, agora imi labele hotu. (hakotu Nia)
Jornalista : Vinsensius Morais Araujo