Boxista OBC Nain-3 Kontente Sai Vensedor, Inspirasaun Ba Joven Sira
Imajen Boxista manan nain José Barreto Quintas, Edigar F. Quintas no Elisio R. Gaio husi Oriental Boxing Club (OBC)
SAPNewsTL, Dili : Boxista nain tolu José Barreto Quintas, Edigar F. Quintas no Elisio R. Gaio husi Oriental Boxing Club (OBC) ne’ebe kompete iha klase batang senior 57 kg, batang junior 57 kg no Ringan senior 63,5 kg sai manan nain dahuluk iha kampionatu nasional Boxe Amadora Timor-Leste 2022
“Ami nain tolu husi Oriental Boxing Club sente orgullu tanba ohin ami nain tolu sai manan nain dahuluk iha kampionatu nasional Boxe Amadora Timor-Leste 2022 maski mai preparasaun ne’ebe minimu”, boxista Oriental Boxing Club José Barreto Quintas ba jornalista sira iha Jinaziu Desportu Caicoli, Díli sabadu (08/10/2022)
Iha fatin hanesan boxista Edegar F. Quintas sente Kontente sai manan nain dahuluk, durante ne’e hetan inspirasaun husi senior sira ne’ebe nia mos prontu atu reprezenta Timor-Leste ba kompetisaun internasional hanesan Asian games no Sea Games.
“Ha’u kontente tebes tanba bele sai manan nain dahuluk iha klase batang junior 57 kg iha kampionatu nasional Boxe Amadora Timor-Leste 2022 tanba durante ne’e hetan inspirasaun husi boxista senior sira Oriental Boxing Club, ohin loron bele hatudu talentu iha kampionatu ne’e tanba hau hakarak sai boxista ne’ebe bele reprezenta Timor-Leste ba kompetisaun Sea Games no Asian Games”, tenik Edegar
Iha sorin seluk boxista Elísio R. Gaio afirma, nia kontente sai vensedor iha kampionatu nasional ne’ebe bele inspira boxista júnior sira ba futuru
“Ha’u sente kontente bele sai vensedor iha klase ringa senior 63,5 kg, resultadu ne’e nu’udar inspirasaun id aba boxista júnior sira para treinu nafatin hodi bele sai manan nain iha future, ha’u sei esforsu ho performansia ne’e nafatin, nune’e bele reprezenta nafatin Timor-Leste ba iha kompetisaun internasional sira”, Elisio hateten
Enkuantu, iha jogu grand final ne’e partisipa husi boxista tolunulu (30), entre sira boxista nain 15 sai vensedor iha kampionatu nasional boxe amadora Timor Leste 2022 ne’ebe partisipa husi atleta 87 iha faze inisiu.
Reportajen : Augusto dos Santos
Editor : Ekipa Editorial