Breaking News : Ai-Hun Tohar Iha Bobonaru, Hamate Ema Na’in 2
SAPNewsTL, Bobonaro : Ohin Maiz ou Menuz haleu oras 12 meiudia, Akontese Insidente ida iha Área Suku Tapo, Postu Administrativu Bobonaru, Munisípiu Bobonaro resulta Ema Na’in rua lakon vida tanba aí hun boot Ida tohar no hanehan sira rua wainhira hala’o viajem
Tuir Informasaun ne’ebé SAP News TL asesu liu husi pajina Facebook Privadu Natacha Cazimira haktuir Sidadaun Mane ida ho Feto ida, na’in 2 ne’e Hala’o Hela Viajem hodi Ultrapassa Estrada iha area Suku Tapo Postu Administrativu Bobonaru, Derepente aí-hun ida Tohar no hanehan Sira rua, ikus mai sidadaun nain rua ne’e mate iha Fatin
“Sidadaun na’in 2 ne’e hetan hanehan husi aí-hun ne’ebe tohar, wainhira sira rua ho motor atu ultrapassa estrada iha área Laeresak Tunubibi, Suku Tapo, Postu Administrativu Bobonaru Munisípiu Bobonaru”. Informa husi Natacha Cazimira liu husi Hakerek iha nia pajina Facebook, Bobonaru, 03/08/2023
Wainhira, ai hanehan Sidadaun na’in 2 ne’e, Sira nain rua lá konsege salva an no iis kotu kedas iha fatin akontesimentu tanba ai baku sira latan iha estrada ne’ebé nahe Asphaltu iha Suku Tapo Postu Administrativu Bobonaru
Durante, Asidente ne’e mosu ema barak ba haree no buka dalan hodi salva sira nain rua Maibé la konsege tanba sira rua sofre kanek ne’ebe grave
Notisia Kompletu, SAP News Timor-Leste sei Kontinua Kolleta hodi hatun iha oras balun tuir Mai
Jornalista: Anina Martins