Hametin Kooperasaun Bilateral, Kuba Konvida PR Horta Partisipa Iha Konferénsia G-77
SAPNewsTL, Dili : Hafoin, Embaixadora Cuba Grisel Alina Aldame Innis hala’o audiênsia ho Presidente Repúblika José Ramos Horta iha Palasiu Presidensial, Embaixadora Cuba ne’e haktuir, objetivu hasoru malu ho Presidente Repúblika hodi entrega programa prinsipal nível altu nian husi Grupu 77 (G-77) ba Presidente Republika no hametin diak liu tan kooperasaun entre Estadu Timor Leste no Kuba
“Objetivu ohin loron nian, mai atu entrega programa prinsipal Manual ba ita nia Prezidente Republika no konvida Presidente Republika hodi partisipa iha Konferensia Nivel Altu ba Grupu 77 ne’ebe sei halao iha Kuba, loron 15 no 16 fulan Setembru”,Tenik Embaixadora Cuba Grisel Alina Aldama Innis ba Jornalista sira, iha Palsiu Presidensial Nicolau Lobato Dili, 03/08/2023
Embaixadora ne’e mos hatutan, liu husi sorumutu ne’e, oinsa hametin kooperasaun akordu bilateral entre estadu Timor Leste no Estadu Kuba iha presente no futuru
Agora daudaun, Timor oan sira liliu sira ne’ebe estuda iha area Saude hamutuk 38 mak estuda iha Kuba
“Kooperasaun ne’e liliu iha area Saude nian, Dosente sira ne’ebe mak agora dadaun hanorin iha UNTL ba Ensinu mediku nian no mos ba estudante hirak ne’ebe mak agora dadaun hala’o sira nia estudu iha Kuba hamutuk 38”.
Liga ba karta konvite ne’e, Embaicadora ne’e haktuir, Presidente Republika Jose Ramos Horta fo resposta pozitivu no sei partisipa iha Komferensia Nivel ALtu ne’e iha Fulan Setembru ne’ebe sei hala’o iha Kuba
Kooperasaun ne’e liga mos ba area Desportu, Agrikultura, Kultura no saude, Tuir Dadus ne’ebe SAPNewsTL asesu antes ne’e, desde 2002 to’o ohin loron Kuba produz ona rekursu humanu Timor oan sira iha area saude liu ona rihun ida resin
Jornalista : Domingos Ferreira