CNC Sei Estabelese Biblioteka Chega Iha Eskola Sira
SAPNewsTL, Dili : Diretór Ezekutivu Centro Nacional Chega (CNC Sigla Português) Hugo Maria Fernandes no Ministra Edukasaun (ME), Dulce de Jesus Soares asina Nota Entendimentu ba kooperasaun servisu tinan 3 iha área edukasaun, fortalesimentu institusionál no dezenvolvimentu polítika edukasaun nian.
Objetivu husi asina nota entendimentu ne’e atu kontinua suporta atividade sira durante ne’e liliu formasaun ba profesor sira, kompetisaun sertame, estabelesimentu biblioteka Chega! iha eskola no atividade sira seluk ne’ebé relevansia.
“Ensinu baziku nia materia husi chega intergradu tinan ida ne’e CNC kontinua fo apoiu ba iha Ministériu Edukasaun hodi integra konteudu relatóriu chega no relatorio CDA nian iha terseiru siklu no Eskola Sekundáriu, ema hanoin livru hotu-hotu tenki tama maibe ne’e esforsu ida ne’ebe komplikadu uituan no Sientífiku”. Tenik Diretor Ezekutivu CNC Hugo Maria Fernandes iha Salaun CNC Balide Dili, 03/10/2023
Lider Ezekutivu ne’e afirma, CNC prontu atu kontribui materia saida deit fila ba Ministériu Edukasaun oinsa selesiona materia sira ne’e haree ba nivel eskolaridade ne’ebe tama iha terseiro siklu ida ne’ebe tama iha sekundária
“Atu garantia husi relatóriu rua ne’e ita hetan kurikulu ensinu maibe hanesan atividade sira seluk Siénsia kontinua halo hanesan apoiu ne’ebe mak maka’as ba Ministériu edukasaun ba professora/professor sira”.Dehan Direitor CNC
Diretór Ezekutivu, entrega livru tolu ba Ministra Edukasaun hanesan, The Santa Cruz Massacre, 1991: Thirty Years on, Understanding Timor-Leste, The National Liberation Struggle of Timor-Leste. Livru hirak ne’e produz husi Timor-Leste Studies Association (TLSA) ho kooperasaun Centro Chega
Iha iha Fatin hanesan, Ministra Edukasaun (ME) Dulce de Jesus Soares agradese ba CNC ba kooperasaun hodi tulun Ministeru Edukasaun iha aspeitu edukasaun ba konteúdu materia istória Timor-Leste. Diretor Ezekutivu Chega! konsidera Ministeriu Edukasaun nu’udar parseiru importante tanba ne’e Centro Chega iha komitmentu kontinua servisu hamutuk.
“Nota intendimentu ne’e hanesan kontinusaun nota intendimentu ne’ebe halo ona iha 2018 mesmo que, edukasaun servisu tiha ona ho CNC hodi halo revizaun ba kurikulu primeiru no terseiru siklu inklui ona materia historia produz iha centro chega kurikulu iha kintu Ano ho sestu Ano”. Dulce Maria de Jesus hateten
Enkuantu, serimónia ne’e partisipa husi parseiru sira no realiza iha Salaun Konferensia Centro Nacional de Chega Balide Dili
Jornalista : Ermelinda Soares