Constancio Laran-Metin OJE 2023 Bele Resolve Estrada Gleno Ba Atsabe
Administrador Postu Administrativu Atsabe Constancio da Silva
SAPNewsTL,Ermera : Relasiona ho kondisaun estrada ne’ebé mak aat, administradór Postu Administrativu Atsabe, Munisípiu Ermera, Costancio da Silva espera orsamentu jerál estadu (OJE) ba 2023 ne’ebé diskute daudaun iha Parlamentu Nasionál ho montante 3.16 billaun ne’e bele hadia estrada diresaun husi Glenu ba Atsabe
“OJE 2023 ne’ebé mak diskute daudaun iha uma fukun parlamentu nasional ho nia montante 3.16 Billaun, espera katak OJE 2023 bele realiza ka hadia estrada husi Gleno mai Atsabe”. Dehan administradór Postu Administrativu Atsabe Constancio da Silva ba jornalista iha nia knaar fatin, Quinta,10/11/2022
Administradór ne’e hatutan, kondisaun estrada atual diresaun husi postu administrativu Glenu to’o Atsabe ne’e risku teb-tebes ba sirkulasaun transpote sira.
“Nu’udar Administradór ba postu atsabe senti la seguru ho kondisaun estrada ne’ebé mak fo risku ba populasaun sira ne’ebé mak hela iha postu ida ne’e”. nia hatete
Enkuantu, autoriedade lokal ne’e husu ba guvernu atu bele solusiona estrada refere tanba kondisaun estrada fo ameasa ba movimentasaun transporte privadu no publiku sira
Journalista : Jonh Marito