Dalan Ba Desentralizasaun, PDC Promete Transforma Dili Sai Indústria No Muda Kapitál Ba Manatutu

SAPNewsTL, Manatutu : Partidu Demokrata Cristão (PDC) realiza dor to dor iha Postu Administrativu Manatutu Villa Munisipiu Manatutu, Presidente PDC Francisco de Araujo promete, wainhira manan sei tau Prioridade politika desentralizasaun ka entre poder lokal ba Munisipiu hotu, nune’e bele hakbesik ukun ba povu no bele rezolve povu nia preokupasaun ho lais no diak liu tan.

“Wainhira PDC hetan fiar husi Povu, PDC sei prioritiza politika desentralizasaun ka poder poder ba Munisipiu Hotu inklui Munisipiu Manatutu, Governu sentral sei aloka mos orsamentu no mata dalan politikas Administrasaun no Ezekusaun nune’e povu foti desizaun rasik hodi bele halais prosesu dezenvolvimentu ne’ebe equitavel no inkluzivu,”Dehan Prezidenti Partidu Demokrata Cristão Francisco de Araujo ba jornalista sira iha Munisipiu Manatutu, 03/05/2023

Nia mos Akresenta, PDC sei kria mos orsamentu ba chefe suku/chefe Aldeia ba Salariu mensal inklui simu salariu dessimuterseiru ba sira, PDC mos sei aumenta insentivu desimuterseiru ba idozus no Veteranus sira

“Kria orsamentu ba Xefe Suku no Aldeia sira, Dezenu atividades kreativas ba sira iha suku no aldeias, hasa’e mos salariu ba funsionariu publiku no halo revizaun ba salariu politiku no asesor sira nian nune’e kria sosiedade ida ekilibriu, ekidade no inkluzivu”.nia promete

Prezidenti PDC ne’e hatutan, “Hamosu nova kapital, transforma sidade Dili sai industria no muda Kapital ba Munisipiu Manatutu. Hamosu mos Ministeriu kultural i Relijiaun nune’e bele tau matan ba kultura no relijiaun, hamosu Ministeriu dezenvolvimentu setor privadu tau matan kriasaun setor privadu no dezenvolvimentu Ekonomia”.nia hakotu

Jornalista : Lidia Amaral