Dedika Múzika Dame Ba Timor, Grupo Sri Chinmoi Apresia TL Sai Husi Fragilidade
SAPNewsTL,Dili: Grupu Sentru Sri Chinmoi dedika muzika dame ba Timor Leste nu’udar nasaun foun ida ne’ebé durante ne’e luta maka’as ba Direitos Humanos hodi haka’at sai husi fragilidade no kontinua avansa ba Prosesu Dezenvolvimentu ne’ebé nia sidadaun sira bele moris ho dame, domin no prosperiedade.
Muzika ne’e equipa dame ba domin, husi sentru sri chinmoi dedika no Hananu bainhira simu vizita Lider Istoriku, Kay Rala Xanana Gusmão hanesan reprezentante Prezidente da Repúblika, José Manuel Ramos Horta partisipa iha simeira Internasional kona-ba transformasaun edukasaun ne’ebé hala’o husi organizasaun Nacoes Unidas(ONU) iha Nova Yorke.
Sentru Sri Chinmoi, sente onradu tebes wainhira iha Janeiro 2004, bele vizita Timor Leste, no husi vizita ne’e sira bele kria múzika ida.
“Ami konsege kria múzika ida ne’ebé dedika espesial ba Timor Leste no hananu iha konsertu dame nian, iha loron 18 Setembro 2022, ami sente ksolok no orgullu tebes bele hananu muzika ne’e ba sua excelensia, Kay Rala Xanana Gusmão, iha nia vizita mai sentru ida ne’e”. Dehan ekipa Sri Chinmoi dedika liu husi karta komunikadu Imprensa.
Sri Chinmoi existe nu’udar Grupo bo’ot ida ne’ebé hala’o misaun kontribui ba dame iha mundu tomak no iha tinan 1999, wainhira iha tempo okupasaun nia laran, grupu refere mai vizita ona Timor Leste ne’ebe implementa mos programa dame iha Timor Leste,
“Iha fulan Marsu tinan 1999, funda programa espesial ida naran Sri Chinmoi Peace Blossom Bations ( Hafunan Dame Nasaun Sira) ne’ebe konvida nasaun hotu-hotu atu sai funan ba dame, iha tinan rua nia laran, nasaun hamutuk 152 mak tama iha programa ne’e, inklui Timor Leste ne’ebé tama iha fulan Fevereiro tinan 2021″. Tenik nia
Entertantu, iha loron 7 Maio 2013 liu ba, Xefe Delegasaun Sri Chinmoi Center Internasional Agraha hamutuk ho Lider historiku Kay Rala Xanana Gusmão, ho Lider Timoroan sira hotu hala’o ona inagurasaun ba monumenta Estado Estatua Sri Chinmoi ne’ebé hari’i iha resintu Jardim Uma Fukun Parlamento Nasional nu’udar simbolu domin no dame ba Timor Leste.
Jornalista: Vinsensius Morais
Editor: Ekipa Editorial