Defisiénsia Matan TL Hamutuk 14.828, Unicef Apoia $14 Mil Inklui Ekipamentus Ba AHDMTL
SAPNewsTL, Dili : Representante Unicef Iha Timor-Leste Billal Durrani ofisialmente entrega ekipamentus ba Asosiasaun Halibur Dificiente Matan Timor-Leste(AHDMTL), objetivu husi apoiu ekipamentus ne’e atu hadia ensinu aprendisajen ba labarik sira dificiente matan iha Timor-Leste.
Unicef entrega Ekipamentus hirak ne’e ba labarik sira ho dificiente ne’ebe hasoru obstakulu barak inklui stigma menuz asesu kualidade edukasaun, no laiha manorin ne’ebe espesializadu
“Unicef servisu besik liu ho ministériu sira atu hadia aprovasaun servisu ba labarik sira ho difisiensia iha nasaun Timor-Leste no mos halo kolaborasaun hamutuk ho ministériu edukasaun juventude no desportu, ita estabelese ona ba parseira ho organizasaun ba ema difisiensia hanesan ADHMTL, Madre ALMA Sisters sira atu fo suporta ba espesializadu ba labarik sira”. tenik Representante Unicef iha Timor- Leste Billal Durrani iha Manleuana Segunda (27/06).
Iha sorin seluk Director Interinu Asosiasaun Difisiensia Haburas Matan Timor-Leste(ADHMTL) Gabriel Fonsianu de Sousa senti kontente no apresia ba Unicef ne’ebe entrega ekipamentus sira ba ADHMTL hanesan makina imprensaun Braille no komputador sira, makina gravasaun digital, software ne’ebe mak bele ajuda hadia ensinu aprendisajen ba labarik sira ne’ebe mak ho difisiensia vizual.
“Ha’u espera ekipamentus ho teknolojia asisivu hirak ne’ebe bele suporta liu tan AHDMTL, imi nia servisu sensivu lor-loron atu impodera ami ho labarik sira no ema difisiensia atu aprende no involve iha aspetu oioin moris lor-loron nian”. Nia dehan
Director Interinu ADHMTL Grabiel Fonsianu de Sousa mos bolu atensaun ema hotu nian hodi halo advokasia no suporta asesu ba iha edukasaun inklusivu iha area edukasaun, saude, no inkluzaun sosial ba labarik sira ho difisiensia.
“Agradese mos ba Unicef ne’ebe mak suporta ona ami ho orsamentu 14 mil ne’ebe mak ami halo ona atividade ba iha munisipiu tolu hanesan Ermera, Liquisa no Bobonaru, agradese mos ba parte Ministru edukasaun nian ne’ebe mak aprova ona orsamentu 4 mil mai ami ne’ebe mak hala’o ona atividade formasaun ba ema ho dificiente matan”. Nia fundamenta
Entretantu Unicef ne’ebe mak oferese ona ekipamentus hanesan Brille printer, komputer talk, braille papers, evo E10 portable digital talk, books player, abacus tunanetra, watch talk ka relojiu ba dificiente matan, kalkulator ne’ebe bele fo diak ba edukasaun formal ka edukasaun inkluzivu
“Organizasaun ne’e hamrik iha iha 01 de jullu 2021 iha Timor-Leste, atu defende promove no proteje direitu ema ho difisiensia nian, difisiensia matan bele asesu ba kampu de trabalhu, hodi kontra diskriminasaun ba ema ho difisiénsia iha komunidade, nune’e konsidera difisiénsia nia direitu hanesan sidadaun sira seluk”. Nia sublinha
Aleinde ne’e mos nia husu ba Governu Timor-Leste atu bele aselera ratifikasaun konvensoes direitu ema ho difisiensia nian, iha prosesu konsultasaun no foti desizaun sira, hodi asegura direitu ba labarik ho ema difisiensia sira bele realiza no respeitu direitu ema ho defisiénsiasira nian
“Ami forsa seidauk bele akumula ema ho difisiensia matan 14.828 hirak ne’e atu mai iha fatin ida ne’e maibe ami fiar katak servisu hamutuk ho ajénsia sira liliu Unicef ami nafatin husu depositu konfiansa nafatin mai ADHMTL, bele servi ba matan sira ne’ebe dadaun ne’e sei hasoru hela diskriminasaun ho difisiénsia matan iha Timor leste”. Nia hakotu
Jornalista : Aquelina Magalhaes