Diakonu Rua Simu Ordenasaun, Pe. Calisto: Maromak Iha Dalan Barak Ba Ema Ida-Idak

SAPNewsTL,Dili: Archebispo Metropolita de Dili Dom Virgildo do Carmo da Silva SDB fo Ordenasaun Saserdotal Ba Diacono Padre Calisto Seco Colo S.J no Padre Marito Carlos Monteiro S.J. iha igreja Catedral de Dili, iha Intrevista Pe. Calisto Hateten uluk la mehi sai amu, maibe ho maromak nia tulun bele sai bibi atan hodi servi maun alin iha Timor-Leste

Kestaun ne’e hato’o Husi Padre Calisto Seco Colo, S.J. ba jornalista sira iha igreja Catedral da Imaculada Conceição da Maria, Sabado ne’e ( 30/07/ 22).

“Ami hanoin Laos ohin Mak kontente, wainhira komunidade halibur malu ho parentes sira tanba deit ami nia Ordenasaun, Ami kontente tebes no Ordenasaun ne’e laos ami mesak mak kontente maibe familia, komunidade no parente sira  hotu mos kontente”. katak nia

Nia hatutan, durante ne’e iha mehi seluk no laiha mehi atu sai Amo maibe ho grasas Maromak nian Tanba maromak iha dalan barak ba ita

“Ami la espera atu eskola Kona S.J  maibe ami eskola iha SPP Natarbora no Ha’u koinese S.J sira no sira fo formasaun mesak kapas los halo ami mos kontete no bele sai amo S.J iha Timor- Leste”. Dehan nia

Aleinde ne’e mos Padre Marito Carlos Monteiro, S.J  hateten  Formasaun S.J mos hanesan formasaun Ida neebe Importante tebes ba joven estudante Sira iha Timor-Leste.

“Ami haksolok tebes ho grasas ne’ebe Ami lasoi atu simu no ami tama iha dalan ida agradese tebes ba maromak nia grasa tomak ne’ebe Nia fo Mai Ami formasaun S.J. ne’ebe naruk tebes kuaze tinan 17 anos no viajen ne’ebe naruk tebes no araska iha tempu ne’ebe estuda nian tanba maromak nia grasas ami bele estuda to’o agora sai ona hanesan Amo S.J.” tenik nia.

Nia akresenta, sai bibi atan ba mundu hodi serbi no haree ba ema kiak, kbiit laek no ema sira ne’ebe presiza tebes maromak nia domin.

“Iha SMP ami mehi ona atu sai amo maibe, Ha’u ba teste iha Igreja Nossa Senhora de Fatima  Balide test iha hakerek, Ha’u liu maibe teste iha ko’alia, Ha’u la Liu tanba Ami  fraku iha ko’alia ho mental laiha, Ami haree sira, ami tauk fali no la liu iha teste seminário Ida ne’e”. Nia konta

Nia hatutan, Depois remata  sekundário, Tama programa ba kandidatu ba S.J, iha ne’eba komesa konese Jesus iha moris no oinsa la’o tuir maromak nia dalan

“Ha’u nia mensagen ba sarani sira hotu hamrik metin ba maromak no halo buat hotu ho domin  no grasas ne’ebe diak, Ha’u nia liberdade tomak, Ha’u nia matenek no Ha’u nia hakarak tomak buat hotu ne’ebe ha’u iha, ha’u uza buat hotu ba tuir Ita boot Nia hakarak tomak”. Nia hakotu

Reporter :  Antonio Tilman & Delfina Babo