La Husik Ema Ida Mesak, Fokupers Realiza Semináriu No Hakbiit Sobrevivente Sira
SAPNewsTL, Dili : Fokupers Realiza Seminar Nasionál ba sobrevivente sira, objetivu husi seminariu ne’e atu hakbiit no haforsa sobrevivente sira iha empoderamentu ba ekonomia no kapasitasaun kona ba negosiu hodi lori moris diak ba sira nia an rasik
“Atividade ida ne’e kolaborasaun entre Fokupers hakbiit husi fundos União Europeia nian, objetivo husi projeto ida ne’e atu bele reforsa diak liu tan ita nia maluk sobrevivensia sira, hakbiit nia hare ba sobrevivénsia sira kompletu passadu ninian, no sobrevivénsia sira husi violénsia bazeia ba generu”. Kestaun ne’e hato’o husi Direktora Ezecutiva of fokupers Maria Fatima Perreira Guteres ba Jornalista sira iha Salaun Katedral São Jose Vila Verde Dili, Quinta(28/07/2022).
Nia akresenta, Situasaun sira ne’ebe labele husik sira mesak, tanba laiha ema ruma akompanha entaun projetu ida ne’e ninia objetivu lolos mak oinsa bele la husik sira mesak, maibe nafatin lao ho sira hamutuk akompanha ho sira atu halo sira forte hamutuk iha baze ekonomia sira ninia
“Kondisaun sira ne’ebe iha komunidade atividade ida ne’e ikus ba loron rua(2), oin no aban maibe molok loron rua(2), ita halo ona atividade kapisitasaun oioin kuaze semana rua sura husi horseik ba kotuk, ita konsege fornese empoderamentu ba ekonomia nian life skill”. Nia informa
Entretantu, iha semináriu ida ne’e mos konsege halo kompetisaun ba iha maluk sira ne’e iha atividade husi proposta ruanulu resin ualu (28) no indentifika manan nian ema nain tolu (3)
“Kriteria ne’ebe sai vensedor sira pelumenus planu di’ak ba negosia, oinsa atu halo sira nia negosiu, atu jere didiak sira nia orsamentu, manan nain sira ita fo mos fundos kiikoan ruma para sira oinsa para suporta didiak ba sira halo ekonomia ne’ebe iha”. Tenik nia
Enkuantu, iha seminariu ne’e iha representante relevante ministru sira, iha sekretáriu estadu igualidade generu, Ministru do Turismo Comercio e Indústria (MTCI) nia representante Direktora Geral inklui ministru lubuk ida ne’ebe durante ne’e Fokupers halo aproximasaun hodi bele servisu hamutuk ba futuru
Jornalista : Esmeralda da Silva & Aquilina Taec