SEII Fo Formasaun Ba Chefe Suku 21, Francisca : La’os Oportunidade Maibe Responsbilidade
SAPNews, Dili: Sekretaria Estadu ba Igualdade no Inkluzaun servisu hamutuk ho ekipa feto prontu lidera no Ministériu Estatal organiza formasaun ho tema Hakbi’it Lideransa Komunitária, feto kona ba Jestaun, Lideransa no Politika Igualdade Jeneru, Xefe Suku Soba Fransisca Monica de Fatima Soares hateten sai lideransa ne’e la’os oportunidade maibe ne’e responsabilidade
Tuir Director Jeral SEII Armando da Costa hateten xefe suku feto rua-nulu resin ida (21) ho mos xefe Aldeia feto sira hodi bele refresh fali sira nia lideransa no lalaok serbi iha suku hodi bele fahe esperiénsia ba malu entre sira ho parceiru sira seluk.
“Jestaun nebe sira halo, bele fahe esperiensia sira no importante tebes hamutuk ho sira hodi trasa estratejia diak hodi prepara atu hasoru eleisaun ne’ebe sei akontese iha tinan oin”. Dehan Director Jeral SEII Armando da Costa ba Jornalista iha Salaun Delta Nova,Kinta-Feira, (28/07/2022)
Nia haktuir Feto nia partisipasaun iha Parlamentu ho númeru ne’ebe maximu tebes, nune’e mos iha rejiaun azia nian. maibe iha nivel suku no governasaun lokal ninia iha komunidade ho númeru ne’ebe sei minimu
“Iha suku bele dehan progressu ne’e diferente tanba komparasaun ho eleisaun ne’ebe akontese iha 2009 feto nia participasaun iha suku ne’e 2% deit, maibe iha eleisaun nebe foin dadauk liu ba, sa’e fali ba 5% . husi numeru Xefe Suku feto ne’e sanulu-resin ida (11) maibe agora sa’e ba ruanu-resin ida (21) depois Xefe aldeia ruanulu-resin rua (22) sa’e ba sianulu resin tolu(93)”. Tenik nia
Nia esklarese, progresu ne’e agora hakarak apoiu nafatin atu bele kandidata an fali no mos bele influensia feto seluk atu partisipa hodi mantein numeru atinjimentu agora dadaun nian.
“Mudansa ne’ebe ita presija halo hanesan desiminasaun informasaun ho komunidade lokal ho meius ida liu husi feto potensial, atu prepara katak feto ka mane ne’ebe iha kualidade no kapasidade, komunidade bele tau fiar hodi lidera suku, laos mane deit mak bele sai lideransa”. Nia dehan
Iha fatin hanesan Xefe Suku Soba, Postu Administrativu Laga, Munisipiu Baukau Fransisca Monica de Fatima Soares haktuir nia senti kontenti tanba bele aumenta tan ninia konhesimentu iha area liderans, jestaun no politika igualidade generu.
“Bele promove feto maluk sira ne’ebe seidauk iha konesimentu ba ida ne’e hodi bele prepara an atu kandidata iha suku ba tinan 2023, ita tenki iha kapasitasaun no konesimentu ne’ebe mak diak hodi bele lidera suku atu halo transformasaun ba dezenvolvimentu iha suku ne’e rasik”. Nia Tenik
Entretantu, nia rekomenda hakarak atu fo formasaun ba feto maluk sira ne’ebe mak seidauk hetan formasaun, atu bele eleva sira nia konesimentu hodi prontu kandidata an iha elesisaun suku 2023 nian, ho prinsipiu ne’e laos oportunidade maibe ne’e responsablidade.
Reporter : Marcela Mesquita Lemos