Selebra Loron Ensinu Superior Siénsia No Kultura, Ema 8.000 Hetan Ona Bolsa Husi FDCH

SAPNews, Dili: Fundo Desenvolvimento Capital Humano(FDCH) realiza seminário hodi Selebrasaun loron Ensino Superior Ciéncia no Cultura(ESCC) no Loron Mundial siensia ba dame no desenvolvimento, Director Executivo FDCH Sr.Cristovão dos Reis hateten durante 21 anos FDCH fo ona ba Timor oan hamutuk rihun ualu(8000)

Tuir Director Executivo FDCH Sr.Cristovão dos Reis hateten katak FDCH ne’ebe mak nu’udar instituisaun estadu nian ne’ebe mak fo bolsu estudo ba Timor oan desde 2001 to’o agora mais ou menus rihun ualu (8000).

“Progressu ne’ebe maka FDCH halo, FDCH nu’udar instituisaun estadu nian ne’ebe maka hari’i iha tinan 2001 to’o agora FDCH fo bolsa ba Timor oan ne’ebe maka hala’o sira nia estudo ne’e hamutuk 8000 ne’e husi nivel diploma to’o iha doutoramentu”. Dehan director exekutivo FDCH cristovão dos Reis ba Jornalista sira iha salaun Delta Nova,Quita-feira (28/07/2022)

Nia hatutan tan katak FDCH fo bolsu estudu ho tipo oioin hanesan bolsa hakbiit parsial no bolsa por méritu ba Timor oan sira hamutuk 48 ne’ebe iha fulan setembru ne’e sei kontinua nia kursu iha Portugal

“Númeru ne’ebe to’o ohin loron ba dotoramento 150 ba nivel masterado atus hitu resin no resto diploma D1 too iha licensiatura husi sira ne’e gradua ona 4.000 ital ne’ebe sei ativo hela, sira ne’e husi tipo bolsa hakbiit, nolsa parsial bolsa por merito ba jovens sira no mos ba dosente sira husi universidades privadas iha Timor laran tomak hamutuk 48 ne’ebe sei tuir kurso intensivu ba lian portugues no mos FDCH halo hela prosesso ba dokumentos sira trata hela sira nia dokumentos sira no aranka hela ba iha Portugal iha fulan setembro nia laran, sira ba foti kurso ne’e ba nesecidade univesidade ida-idak nian ka institoicoes privado ida-idak nia ne’ebe sira presija Kursu ne’e sira rasik mak deside” Nia tenik

Nia aumenta tan katak husi bolseiro 48 ne’ebe sei kontinua estudo ba Portugal no orsamento ne’ebe preve hamutuk porvolta de 40000

“haatnulu resin-ualu (48) ne’e komunika hela ho universidade sira iha Portugal, universidade Erba, Porto, Coimbra, Dominio, ho sira seluk ne’ebe mak iha prosessu nia laran hela sedauk fiksa, Orsamentu ne’e porvolta de 40.000 ital ba dosente sira hotu, 48 ne’e husi universidade hotu ne’ebe mak iha Timor laran, inklui universidade privadas”.Nia afirma

Iha fatin hanesan Ministru do Ensino superior Ciéncia no Cultura (MESCC) Longuinhos dos Santos iha nia diskurso hateten katak seminariu ne’ebe mak halo hodi avalia servisu FDCH husi periodo 2015-2020

“Estudo ida ne’e hala’o ho intuitu atu halo avaliasaun kompletu ba servisu ne’ebe presta hosi FDCH ne’ebe iha relasaun ho jestaun no atividade formasaun ne’ebe desenvolve ona hahu hosi periodu 2015-2020”. Nia dehan

Jornalista: Marcela Mery da Costa & Antonio Tilman