Diretor Eskola Nobel Da Paz Ezije Guvernu Muda Estatutu Professores Kontratadu
SAPNewsTL, Dili, 21/07/2022 : Diretor Eskola Nobel da Paz Jeremias Pinto de Jesus hateten professores Permanente no Kontratadu ne’ebe mai iha ne’e haruka husi governu, kontratadu tinan sanulu-resi rua, ate agora estatutu balu seidauk los, Professores sira kontinua ho vensimentu ne’ebe kiik.
“Ami asina iha 2011, até agora estatutu balu seidauk los, so ami professor deit mak forma ema sai ema, maibe hanesan ami professor sira hotu iha ne’e mos ho salariu ne’ebe mak kiik oan, ami hetan mak $200 resin deit” Dehan Diretor Eskola Nobel da Paz Jeremias Pintu de Jesus ba Jornalista SAPNewsTL iha eskola Nobel da Paz, Kinta-feira (21/07/2022).
Nia hatutan, bazeia ba instrusaun husi guvernu ne’ebe kona ba aula ida tenki prense deit ho estudante haatnulu resin-lima (45), sira iha sala de aula ne’ebe sufisiente, sira hahu implementa ona
“Total Professor iha eskola ida ne’e hamutuk 60 pessoas, kontratadu tuan 24 pessoas, i Permanente quatro (4) pessoas. Total alunus ba ensinu pre-sekundáriu 700 pessoas no sekundariu 1700 ital”. informa nia
Fundador eskola ne’e rekomenda ba governu atu aumenta salariu ba professores sira no tenki muda estatutu professores kontratadu sira nian.
Jornalista : Marcela Lemos & Justino Soriano