Inan Aman Fila Tiha Ba Mundu Seluk, Fernado Deside Fila Liman Sustenta Família
SAPNewsTL, Dili, 20/07/2022 : Foinsa’e Fernando Agapito Colo ho idade ruanulu resin-rua (22), Nia nu’udar maun bo’ot iha uma laran, hafoin nia inan no aman husik tiha sira ba mundu seluk, nia hili dalan hanesan fa’an sigaru ho pulsa hodi Selu rasik nia Eskola no hare ba nia alin sira nia eskola
Tuir Negosiante Fernando agapito Colo hateten sigaru ho pulsa ne’ebe nia fa’an hodi selu rasik nia eskola no mos hare ba nia alin sira nia eskola no kada fulan hodi selu kos ne’ebe nia hela ba no osan balu hodi sustenta ba uma laran no nesidade loron loron nian
“Ha’u foti desizaun fa’an sigaru ho pulsa hodi selu rasik eskola no selu kos ne’ebe ha’u hela ba ne’e, Ami uma laran hamutuk nain Lima(5) Feto nain ha’at (4) no mane nain ida(1) Ha’u mak anak kedua mane mesak, Alin ida ho ha’u mak agora kontinua hela estudu iha Univesidade Nasional Timor Losae’e(UNTL), Alin nain tolu(3) mak eskola iha Oe-cusse”. Dehan Fernando Agapito ba Jornalista SAPNewsTL iha jardim 5 de Maiu Colmera Dili,Quarta(20/07/2022).
Negosiante ne’e mos hatutan rendimentu ne’ebe kada loron nia hetan depende deit ba tempu tanba komsumidor ladun hola, Sasan ne’ebe nia fa’an ne’e kada loron ida hetan $5 dolar maibe depende ba ema hola se ema hola diak to’o netik ba $10 kada loron ida selae la to’o,
“Ha’u faan sigaru ho pulsa antes jam 10:00, komesa fa’an ona no jam 5:00 loraik mak ha’u fila ba uma no osan sira ne’ebe ha’u hetan husi faan sigaru ho pulsa ne’e hodi selu deit kos no seluk ba eskola no balu ba nesesidade loron-loron nian, Bainhira ita moris mesak ita tenki buka rasik, atu nune’e itá lá bele depende deit ba familia no inan aman sira mak fo, Maibe ita mos hatene an katak ita ne’e ema duni no bele buka rasik se ita depende ba inan aman ne’e diak dalaruma mos lá diak”.Informa nia
Enkuantu, Foinsa’e Fernando Agapito Colo husi Regiaun Administritiva Espesial Oe-Cusse Ambeno (RAEOA), Fernando nia aman Jacinto Hemo mate iha tinan 2010, enkuantu nia inan mate iha tinan 2017, agora daudaun Fernando ho nia alin hela iha alojamentu ida iha Fomentu, Kapital Dili.
Reporter : Maria de Jesus Daci-Mau & Julieta Moniz