Traballador 79 Sei Semo Ba Australia, Alarico: Servisu Tuir Sistema, Kontra Deporta
SAPNewsTL, Dili, 20/07/2022 : Sekretaria Estadu Formasaun Profisional no Empregu (SEFOPE) Alarico de Rosario Asina Deklarasaun Ho Familia Traballador Timoroan Nain hitunulu resin-sia (79) ne’ebe atu ba servisu iha Australia.
Tuir Sekretaria Estadu Formasaun Profisional no Empregu (SEFOPE) Alarico de Rosario hateten objetivu husi asina deklarasaun ne’e atu kesi sira servisu tuir regra sira ne’ebe estabelese
“Ita haree liu ba kotuk, ita nia alin sira balun ba, balun ke nakar sira balun halai sai, tanba ne’e mak ita halo tiha ba deklarasaun ida ne’e para kesi sira oinsa para sira ba servisu, karik tenki halo tuir regras Sira ne’ebe (SEFOPE) hasai”. Dehan Sekretaria Estadu Formasaun Profisional no Empregu (SEFOPE) Alarico de Rosario Iha salaun Suai Room Timor Plaza, Quarta (20-07-2022)
Nia fundamenta, familia asisti hodi asina deklarasaun ida ne’e katak buat ruma sira mak halai sai, entaun familia sira mos responsabilidade hotu, se mak halai sai husi Sistema, nia sei fila mai Timor, nia sei la iha oportunidade atu ba tan
“Ita nia embaixadora mos esforsu tomak atu ko’alia ho governu Australia, foti medida ba sira balun mak agora ses tanba ema nia lei, buat hotu-hotu lao tuir prosesu lei, iha ne’eba ema nia lei ne’e, nia servisu iha area ida deit, ita labele naran kaer, se nia sai husi fatin ida ba fatin seluk ema kaer deporta kedas”. Nia informa
Enkuantu, Governante ne’e mos fo agradese ba governu Australia tanba sira sei fo nafatin fiar ba Timor oan servisu iha Australia
“Ohin ema hamutuk hitunulu resin-sia (79), feto hamutuk sanulu resin-sia (19), restu mane sira hotu ba servisu iha area agrikultura, tanba sira nia kontratu ba hotu agrikultor”. Nia informa
Enkuantu, governate ne’e informa númeru traballador agora daudaun iha Australia hamutuk dois mil e trezi (2013), portantu, tuir planu traballador hitunulu resin-hitu (77) sei desloka ba Asutralia iha loron, 22 fulan jullu tinan ne’e
Jornalista : João Marito & Esmeralda da Silva