Laiha Livru Manual, Mestre Hanorin Tuir Hatene, Ezame Estudante La kompriende

SAPNewsTL, Dili, 20/07/2022 :  Director Eskola Ensinu Basiku Central  30 de Agostu Comoru Filomino Salsinha hateten eskola refere laiha livru manual, menuz professores, professores sira hanorin tuir saida mak sira hatene, wainhira ezame estudante la kompriende tanba sira la aprende

Tuir Director Eskola  Filominu Salsinha Hateten estudante barak lakon vontade atu aprende tanba laiha livru manual, no menus profesores atu hanorin

“Ministériu Edukasaun Fo solusaun barak ona ba eskola no provisoriamente problema sira ne’e ami bele rezolve ho fazeadamente no estudante sira ne’ebe Eskola sei fahe tempu ba dader no laraik nian tamba menus profesores no Livru manual sira”. Tenik Diretor Filomino Salsinha ba Jornalista SAPNewsTL, iha nia knaar fatin comoru, Dili, 20/07/2022

Nia hatutan iha tempu atu exame estudante sira sempre la komprende saida mak sira hetan tanba iha tempu babain sira la aprende

“Professor sira mos hateten sei laiha livru manual, ami sei hanorin ou fo de’it saida mak ami hatene”. Informa nia

Nia fundamenta, Estudante ne’ebe hola parte iha eskola Ensinu Basiku Central Terseiru siklu 30 de Agostu, Estudante ativu mane Rihun ida Atus ida,(1.100), Feto iha Rihun ida Atus ida Ruanulu resin rua(1.122)no total estudante rihun rua atus rua ruanulu resin-rua(2.222). no profesores total Lima nulu resin-rua(52) Kontratadu Hamutuk nain neen(6) no Voluntáriu Nain Tolu(3).

Enkuantu, Diretor Filomino Salsinha mos husu Ministériu Edukasaun atu tau matan ba problema ne’ebe mak sira hasoru liu husi oferese Livru manual no profesores sira inklui mos Ekipamentu Eskola nian atu nune’e estudante sira bele aprende ho seguru.

Jornalista : Aquelina Magalhaês