La Presiza Ema Nia Skill, Kompanha Internasional Sei Rekruta Timor Oan Ba Servisu

SAPNewsTL, Dili : Embaixadora Timor-Leste Ines Almeida konvida Kompanha Thomas Foods International Shane Wittman, ko’alia kona ba koperasaun servisu prepara Timor oan ba servisu iha Australia, SEFOPE Alarico de Rosario hateten Kompanha Internasional ne’e mai atu koko Timor oan sira bele kalae servisu iha minutu ida bele ko’a animal sanulu resin-lima (15)

“Ohin ha’u lori kompanha ida naran Thomas Foods International, kompanha internacional iha sound for Australia Adelaide, sira haree liu ba prosesu ko’a na’an karau ho na’an bibi, sira kompanha ida ne’ebè primeira vez foin mai iha Timor-Leste, ohin ami halo reuniaun ho sua exelensia secretaria estadu SEFOPE loke dala mos ba Timor oan oinsa servisu iha fàbrika” Dehan embaxadora Sra. Ines almeida ba Jornalista sira iha fatin salaun SEFOPE Caicoli Dili, 19/07/2022.

Iha fatin hanesan, manager kompanha Thomas Foods International hateten eventu ida ne’e hasoru malu ho Sekretaria Estadu Formasaun Profisional no Empregu (SEFOPE) hodi ko’alia kona ba kolaborasaun servisu ho Australia iha futuru

“Oinsá ita atu haruka trabalhador sira ba servisu iha Australia ba faze inisiu, lori trabalhador sira ba servisu iha Australia, servisu ne’e servisu ida ne’ebe todan tebes maibè ninia valor ne`e diak, nune’e mos laos buka osan de’it, sira mos bele aprende abilidade no mos kunhesimentu sira hetan,  depois fila mai sira dezenvolve ekonomia Timor Leste nian” Dehan nia.

Sekretaria Estadu Formasaun Profisional no Empregu (SEFOPE) Alarico de Rosario iha nia intervista hateten sorumutu ida ne’e hetan oportunidade ida atu prepara trabalhador Timor oan hodi ba servisu iha Australia

“Ita buka ajensia sira iha Australia, atu hetan oportunidade ida ne’e para atu lori Timor oan sira ba servisu iha ne’eba, Tanba ne’e mak ha’u agradese ba ita ninia embaixadora Timor Leste Sra. Ines, sira hetan kompanha ida ne’ebè boot teb-tebes iha Australia Adelaide, uma laran ne’e iha 900 metro ne’ebè mak ema barak teb-tebes no rihun ba rihun mak servisu iha laran”. Nia akresenta

Entretantu, Sekretaria Estadu Formasaun Profisional no Empregu (SEFOPE) ne’e hatutan kompanha Thomas Foods International mai atu haree Timor oan sira, atu koko haree Timor oan bele ba servisu iha kompanha ida ne’e ka lae

“Ohin ha’u husu ba sira se karik Timor oan sira ba iha ne’eba servisu kompanha boot ida hanesan ne’e, husi sira nia esplikasaun katak iha minutu ida de’it tenke ko’a animal iha sanulu resin lima (15), agora ita Timor-Leste nia joven sira bele ba ko’a animal sanulu resin lima (15) ne’e iha minutu ida ka lae?

Enkuantu, kompanha refere la presija ema nia skill tanba sira nia objetivu ba laos atu servisu de’it maibè atu aprende, hanorin no fo motivasaun oinsa sira bele servisu diak iha kompanha ida ne’e

Reporter : Domingas da Conceição & Pascoela da Conceição