MS No MD Selebra Akordu Dahuluk, MS Odete: Kuba Produz Graduadu 921 Seidauk Sufisiente
SAPNewsTL, Dili: Ministra da Saude Maria Odete Freitas selebra akordu dahuluk kona-ba Kapasitasaun Rekursus Humanus ho Ministru da Defeza Filomeno Paixão de Jesus iha Quarter General, iha diskursu Ministra Saude hateten, Akordu ida ne’e hanesan Akordu dahuluk kona-ba Area espesializasaun Medisina
“Ohin Asina Akordu Entre Ministeriu da Saude ho Ministerio Defeza hanesan akordu dahuluk entre parte rua ba Area kapasitasaun Rekursus Humanos iha area espesializasaun Medicina, Ministeriu da Saude hahu estabelese koperasaun ho Nasaun hirak mak hanesan Kuba, Papua Guine, Indonesia no mos Nasaun balun iha area Desenvolvimentu kapasitasaun profesionais da Saude”. Tenik Ministra da Saude Maria Odete Freitas iha nia diskursu, Quartel Geral Fatuhada, Dili, 19/07/2022
Nia akresenta koperasaun entre Nasaun Kuba hahu Tinan 2004 to’o agora, forma ona graduadu hamutuk 921 no Mos mediku espesialistas hamutuk 74
“Graduadu por volta 921 pessoas, aleinde ida ne’e iha 74 medicos espesiaistas iha area oioin ne’ebe distribui ba iha Hospital Nasional Guido Valadares no mos Hospital Referal sira iha ita nia Rain, número hirak ne’ebe ita iha seidauk sufisiente”. Dehan nia
Atu bele hala’o prosesaun kuidadus saude + sekundano no Terciano iha ita Nia Rain, Ministerio da Saude kontinua nafatin Planu kapasitasaun profisionais da saude liliu iha area espesialistas hodi bele hadia diak liu tan prosesaun kuidadus sekundario ba populasaun Timor-Leste
“Tuir Planu iha Tinan 2022, espera katak ita bele haruka uluk medico hamutuk Nain 2 internista ba Fiji, espera katak iha 2023 ita bele iha kareira haat ba area gestaun hospital nian, psikolog nian no mos tekniku aliadu Nain 12 ba Nasaun Indonesia” afirma nia.
Entertantu, Ministra da Saude Maria Odete Freitas mos fo agradese ba Minstro da Defeza no parte hotu ne’ebe kontribui hodi Asina Akordu ida ne’e
“Ha’u mos hakarak hato’o obrigada wain ba ita nia sua exceléncia Ministro da Defeza no parte hotu ne’ebe kontribui hodi bele selebra akordu ida ne’e, ita nia esperansa liu husi Akordu ida ne’e ikus mai bele produz medicos especialistas ne’ebe kualifikadu no kontribui ba sistema saude iha Timor Leste”. Hakotu nia
Jornalista : Vinsensius Morais & Marcela Mery da Costa