Kandidatus Admitidus F-FDTL Selesiona Tuir Lei, Honestu La Haree Ba Kores No Família
SAPNewsTL, Dili: Tuir Porta Voz F-FDTL José Antonio Nunes da Costa hateten rekrutamentu ba kandidatu ne’ebe passa foun 2022, bazeia ba aprovasaun hamutuk atus neen (600), enkuantu kandidatus ne’ebe mak passa sei voluntáriu durante fulan sanulu resin ualu (18) molok konkore ba teste kuadru permanente ho kriteria sira
Tuir Porta Voz José António Nunes da Costa hateten publikasaun ba rekrutamento foun 2022, bazeia ba reuniaun Konselhu Ministru ne’ebe aprova tiha ona planu rekrutamento ba Falintil-FDTL ema Nain atus neen (600)
“Kritériu ba rekrutamentu ba 2022 mak hanesan espesiais idade idade minima no maxima 18 até 25 anos, altura aplikante tenke iha, mane altura 165cm feto 158cm, fisika aplikante tenke iha aptidaun fisika naton, aplikante labele iha moras todan hanesan HIV SIDA, TBC, Hepatites no seluk tan ne’ebe mak bele afeta ba saude iha prosesu rekrutamento nia laran”. Tenik Porta Voz F-FDTL José Antonio Nunes da Costa ba Jornalista iha Quartel General Fatuhada Dili, Quinta-Feira,(21/07/2022)
Nia akresenta Kriterio ba eleimina aplikante mak Aplikante ne’ebe la prese kritériu gerais no espesiais, Aplikante ne’ebe la pasa exame medium sei elimina kedas no sei la tuir tan teste sira seluk, Aplikante ne’ebe la passa iha teste fisiku,psico teste,entervista no escrita
Enkuantu aplikante ne’ebe la’os sidadaun original Timor-leste, Aplikante ne’ebe la iha lealdade no seriedade, Aplikante ne’ebe komete tiha ona krime públiku ou sivil sei sei elimina iha processu rekrutamentu
Porta voz ne’e deklara mos ba publiku katak tenke tuir lei ne’ebe mak iha, tenki honestu labele buka dalan korta hodi rekomenda kandidatus atu tama ba F-FDTL tanba kandidatos sira ne’e selesionadu
“Ba inan ka aman katuas no ferik maun no alin no senhores no senhoras sira lalika lakon tempu atu buka ema ruma ka encosta ema ruma buka hasoru uma ka serviso fatin ka fatin seluk hodi buka rekomeda alin ka beioan sira mai iha ne’e, tanba rekrutamento ida ne’e ba sidadaun Timor oan hotu feto ka mane kritériu mak manda iha ne’e la hare ba kor la hare ba familia ka rekomendasaun espesial”. Hakotu nia
Reporter : Marcela Mery da Costa