ASEA Para Games Ba Dala XI, Abrão : TL Tempu Atu Kompete La’os Harame
SAPNewsTL, Dili: Sekretario Estadu Juventude no Desportu(SEJD) sei lori atleta nain 6 hodi representa Timor-Leste sei ba kompete iha ASEAN Para Games ba dala XI iha Solo Indonesia, SEJD Abrão Saldanha hateten katak tempu to’o ona atu atleta sira ba kompete hodi Timor-Leste ba mundo ho kompete laos hodi harame
Tuir SEJD Abrão Saldanha hateten, Tinan 20 liu ona, governu ho federasaun sira no atleta sira tenki konsiente no prontu ona atu ba kompete ba buka medailla, buka manan. La’os ona tempu atu ba partisipa deit, atu aumenta ka kompleta numeru deit ba halo rame deit
“Iha kada evento desporto rejional no internasional sira, governu sempre esforsu hodi lori ita nia kontijente sira ba kompete lori Timor-Leste nia naran no Bandeira, Iha desportu, hamutuk ho federasaun sira, ami asumi no simu dezafiu ida katak to’o ona tempu atu ita husik termolijia partisipasaun no hahu uza liafuan kompetisaun. “Dehan SEJD Abrao Saldanha ba Jornalista sira iha salao Palacio Governo, Quinta-feira(21/07/2022)
Nia hatutan iha ASEAN para Games Timor-Leste sei representa atleta nain 6 no kompete ho modalidade 3 mak modalidade para-atletizmu, para-tenis da meza no para-halterifelizmu ka powerlifting ne’ebe mak sei partisipa mos husi atleta Teofilo freitas record Asia nian
“Ita sei iha atleta nain 6 mak ba kompete feto nain 3 no mane nain 3 ho orgullu boot ha’u hakarak informa mos katak husi sira nain 6 ne’e ita iha atleta ida Teofilo Freitas ne’ebe mak ninia Record Asia nian, Ita hein katak husi federasaun tenis da meza atletta nain 5 mak sei representa Timor-Leste feto nain 3, mane nain 2”. Tenik nia
Nia haktuir katak atleta sira ne’ebe mak ba kompete ne’e selesionado husi kampeonatu sira tinan 2020 nian, no orsamento ne’ebe mak governo aloka hamutuk US$38.410.00
“Atleta sira ne’ebe ita lori ba traninig centre mai husi prosesu selesaun ne’ebe mak federasaun ida-idak no atleta sira ne’ebe selesionadu husi kampeonatu sira tinan 2020 nian ne’ebe ho klasifikasaun diak mak tinan ida ne’e ba reprezenta Timor-Leste kompete iha Asian para Games iha solo Indonesia”.
Entretantu, gastus orsamentu ne’ebe mak governu halo ba preparasaun atleta sira nian iha traning center mak ho total US$38.410.00, enkuantu gastus total ba kontijente kompetisaun Asian para Games nian hamutuk US65.679.50.
Iha fatin hanesan atleta Teofilo Freitas haktuir iha federasaun sira hasoru difikuldade oioin maibe sira esforsu makas hodi resolve failansu hotu ne’ebe sira entrenta maibe ikus mai sira ba kompete duni iha ASEAN para Games
“Durante pandemia nia laran maibe ami nu’udar atletizmu ami iha vontade nafatin luta ba nasaun nia dignidade, ami esforsu antes ona, maske ami hasoru difikuldade oioin iha federasaun nia laran maibe ami konsege resolve ho ulun malirin, komprende malu hodi resolve ami nia failansu sira ne’e ha’u rasik hetan kualidade hodi haforca equipa atletismu kompete iha Solo”. hakotu nia
Reporter : Aquelina Taec & Marcela Mery da Costa