F-FDTL Sei Komemora Aniversáriu Ba Dala XLVII Ho Programa Interesante Sira

SAPNewsTL, Dili: Komemorasaun Loron aniversario Falentil-FDTL ne’ebe mak sei komemora iha dia 20 de agustu  ba dala XLVII (47) iha tinan ne’e ho Tema Sentral ‘Os valores das Falintil no Prosesso da Construsaun Nacional’,  Porta voz  F-FDTL José Antonio Nunes da Costa deklara komisaun organizadora sei organiza aktividade oioin inklui modalidade desportiva

Tuir Porta Voz  F-FDTL José Antonio Nunes da Costa informa F-FDTL sei halo Taxa-Falintil ne’ebe hahu tiha ona iha dia 19 de Julhu no sei remata iha dia 19 de agusto 2022 iha Kampu Quartel Geral Fatuhada Dili

“F-FDTL Sei halo marsa ba fatin históriku sei iha caminhu ba Larigutu,Buburake no Maubai,  halo doasaun ran iha dia 2 de agusto 2022 iha Hospital Nasional Guidu Valadares, aktividade kuda ai-horis, sei halo iha dia 5 de agusto 2022 iha Metinaro, halo mos seminariu iha dia 18 de agusto 2022 iha  Quartel Geral Fatuhada Dili” informa Porta Voz  F-FDTL José Antonio Nunes da Costa ba jornalista sira iha Kuartel Geral Fatuhada Dili, 21/07/2022

Entretantu, F-FDTL Sei halo mos missa agradesimento iha loron 19 de agusto 2022 iha igreja Motael no sei ba tau ai-funan iha jardim dos heroi Metinaro, halo parada militar ba iha dia 20 de agusto 2022 iha quartel geral Fatuhada no halo fatin visita ba konvidados militares sira

Enkuantu, F-FDTL sei halo mos animasaun kultural, tiru fugetes iha  dia 20 de agosto kalan iha Quartel Geral Fatuhada Dili

Nia haktuir, aktividade hotu ne’ebe mak hala’o iha  komemorasaun aniversáriu F-FDTL  husu partisipasaun husi Timor oan hotu-hotu ho sentidu  espiritu patriotismu  no nasionalismu

“Loron Falintil ita hotu nian, ita nia asuwa’in sira ho aten brani hodi hambrik deside kontra estrangeiru hodi buka ukun rasik aan, tanba ne’e ita hotu nia loron, ita bele komemora iha ne’ebe ho espiritu patriotismu  no nasionalismu”. Tenik nia

Enkuantu,  F-FDTL nia aniversário ba dala 47 ne’e sei la komemora iha munisipiu tanba impaktu husi finansiamentu

“Ita nia asuwain  heroina no heroinu  sira nia luta husi intituisaun F-FDTL iha momento ida ne’e la konsege ba komemora  ho ita boot sira iha  baze ne’ebe hanesan munisipiuto’o Aldeias ne’eba tanba questaun de finansiamentu ne’ebe limitadu,  husu deskulpa barak ba ita bo’ot sira nia komprensaun no iha futuru mai maka ita sei bele  rotativamente”. Dehan nia

Nia informa mos ba individu no Grupu animador no gojador sira  atu registu  iha komisaun organizadora hodi anima iha loron aniversario F-FDTL ne’ebe mak sei realiza iha loron 20 de agosto tinan 2022 iha quartel general Fatuhada Dili

“Atual ne’e loke hela kompetisaun jogu amizade taxa rotativa Falintil ba klubo 20 ne’ebe tuir registo  iha inisiu loron 19 de  jullu de 2022,  iha kampo  Falintil-FDTL  Quartel General Fatuhada Dili ho horario kada loraik  oras 3,  tanba ne’e ami konvida ita bo’ot  sira bele mai  asiste  jogu refere  ho disiplinamente  no kontrolados”. Nia hakotu

Reporter : Marcela Mery da Costa