Diversifika RTTL, E.P Analog Ba Dijital, MAPKOMS Husu PM Taur Halo Lansamentu
Imajem Intervista Ministru Asuntu Parlamentar no Komunikasaun Sosial (MAPKOMS) Fransisco Jeronimo Martins , iha palasiu governu, segunda (27/02/2023)
SAPNewsTL,DILI- Ministru Asuntu Parlamentar no Komunikasaun Sosial (MAPKOMS) hala’o enkontru regular ho Primeiru Ministeiru (PM),Taur Matan Ruak hodi atualiza servisu ministériu nian no aprezenta kontrusaun tore dijitalizasaun tolu ne’ebe mak sei halo lansamentu iha munisipiu Lautem.
“Ohin hasoru PM Taur Matan Ruak aprezenta katak Iha tempu badak ita nia, Governu sei halo lansamentu fatuk dahuluk ba projetu implementasaun tore tolu 3 iha munisípiu, atu halo diversifikasaun RTTL-EP husi analog ba dizital, ne’ebé mak ita uza multimedia terrestre signifika la utiliza satélite, entaun ita nia governu sei gastu um milhaun USD” Dehan Ministru Asuntu Parlamentares no Komunikasaun Sosial(MAPKOMS), Fransisco Jeronimo Martins ba Jornalista sira, iha palasiu governu, segunda (27/02/2023)
Ministru hatutan, governu sei gasta osan 100,000,000 USD, hodi harii torre tolu dizitalizasaun (RTTL-EP) iha munisipiu Lautem, Ainaro no Bobonaru hodi diversifika RTTL-EP husi analok ba dizital, orsamentu ba projetu refere prosesu lao iha CNA, tuir akordu ne’ebé mak governu Timor-Leste ho nasaun China, projetu lansamentu fatuk dahuluk ne’e sei halo iha loron 23 marsu tinan ne’e iha munisipiu Lautem, maibé atu inisia projetu ne’e presiza halo demobilizasaun material ba fatin konstrusaun hanesan Lautem, Bobonaru no Ainaro.
Francisco informa, ohin husu disponibilidade PM Taur Matan Ruak atu bele halo lansamentu ba projetu refere iha loron 23 Marsu, no PM disponivel tebes hakarak ba halo lansamentu no iha sorumutu informa ba PM atu atualiza ba komunidade sira hotu bele akompaña kona ba progresu serbisu saida mak Governu halo ona, agora iha faze preparasaun, governu Timor-Leste iha hela planu, presiza tore 12 atu periodu tuir mai bele lansa tan iha munisípiu seluk maibé presiza koordena ho CNA, tanba prosesu hotu sei lao tuir nia tempu, tore ne’ebé sei halo lansamentu ne’e importante ba diversifika programa analok ba dizital.
Jornalista : Marcela da Costa