Dom Leandro Husu Funsionáriu Públiku Hala’o Knaar Ho Domin & Responsabilidade

SAPNewsTL, Dili : Hafoin Selebra Missa Agradesimentu ba Loron Komisaun Funsaun Pública (CFP) ba dala sia iha Igreja Katedral Dili, Bispu Dioseze Baucau Dom Leandro Maria Alves haktuir Selebrasaun missa Eukarístika ne’e hodi Hametin liu tan espíritu Serví nian liu husi Servisu ho Domin no Responsabilidade

“Ohin, selebra missa agradesimentu ba Comisaun Funsaun Pública (CFP) nian, selebrasaun ida ne’e hodi bele hametin liu tan espiritu servi nian, oinsa mak bele servi ho domin, hatudu ita nia domin ba ita nia nasaun”. Tenik Bispu Dioseze Baucau Dom Leandro Maria Alves ba Jornalista Sira iha Igreja Katedral, 13/07/2023

Bispu ne’e hatutan, “Hatudu ba ita nia nasaun katak ita hadomi ita nia nasaun liu husi oinsa mak ita hala’o ita nia knaar hanesan Funsionáriu ne’ebe mak di’ak, honestu no hala’o knaar ho responsabilidade hodi servi ita nia povu sira”. Nia dehan

Líder Igreja Katólika ne’e garante Guvernu Foun ne’e sei fo kontinusaun ba Serbisu no sei halo diak liu tan liu husi programa ne’ebé Sira fo sai”

“Daudauk ne’e povu hotu hein nonu governu bele hamosu buat foun mesmu ita hatene katak buat barak mak la’o tiha ona agora hein buat ne’ebe mak di’ak liu tan sei mosu liu husi programa sira ne’ebe mak governu sei fo sai”.

Bispu Foun Dioseze Baucau ne’e husu Povu Labele Hein de’it Guvernu, Maibe fo Suporta ba Guvernu, Nune’e bele lori benefísiu ba sidadaun hotu-hotu

“Programa hotu ne’ebe mak governu sei fo sai, ita la bele hein hodi ejize ba ita nia governu maibe ita mos husu atu fo ita nia maneira hodi suporta ita nia governu nune’e bele implementa sira nia programa ho diak no iha benefisiu ba povu sira”.

Informa fali katak, Missa Agradesimentu ba Bispu Dioseze Baucau, Dom Leandro Maria Alves ne’ebe troka Maktoban Dom Basílio do Nascimento ne’e sei realiza iha Igreja Katedral de Baukau, Loron 21 Jullu 2023, Hahu iha oras Tuku 9:30 oras Timor Leste

Jornalista: Lídia Amaral