Selebra Loron Funsaun Públika, Faustino Promete Banati Tuir Jesus

SAPNewsTL, Dili : Komisaun Funsaun Públika Realiza missa Agradesimentu hodi selebra nia existênsia ba Dala IX, Iha Intervista Bispu Dioseze Baucau Dom Leandro Maria Alves haktuir Selebrasaun missa Eukarístika ne’e hodi Hametin liu tan espíritu Serví nian liu husi hatudu Prestasaun Diak no Servisu ho Domin

“Ohin, selebra missa agradesimentu ba Comisaun Funsaun Pública (CFP) nia loron ba dala sia, selebrasaun ida ne’e hodi bele hametin liu tan espiritu servi nia, oinsa mak bele servi ho domin, prestasaun servisu ne’ebe mak ita halo hanesan mos espresaun ida ne’ebe mak hatudu ita nia domin ba ita nia nasaun”. Tenik Bispu Dioseze Baucau Dom Leandro Maria Alves ba Jornalista Sira iha Igreja Katedral, 13/07/2023

Bispu ne’e hatutan, “Hatudu ba ita nia nasaun katak ita hadomi ita nia nasaun liu husi oinsa mak ita hala’o ita nia knaar hanesan Funsionáriu ne’ebe mak di’ak, honestu no hala’o knaar ho responsabilidade hodi servi ita nia povu sira”. Nia dehan

“Dadauk ne’e povu hotu hein nonu governu bele hamosu buat foun mesmu ita hatene katak buat barak mak la’o tiha ona agora hein buat ne’ebe mak di’ak liu tan sei mosu liu husi programa sira ne’ebe mak governu sei fo sai”.

Iha Fatin hanesan, Presidente Comição Função Pública (CFP) Faustino Cardoso Gomes Hateten, Sei Serví ho espíritu domin ne’ebe Banati tuir Jesus inklui Rekunhese sala sira HOTU no hadia Diak liu tan ba oin

“Oinsa Liu husi rekunhese sala no failansu ne’ebe mak iha, ita kompromete atu hadia ita nia servisu iha tempu sira oin mai, hametin ita nia espiritu servi, banati tuir jesus nia domin sira liu husi ita nia espiritu domin”.

“Nune’e Haree malu ho di’ak ho fuan no laran, sai ema haraik an nu’udar servidor hodi lori povu ba moris di’ak hodi hametin liu tan Ita nia Estadu Direitu Demokrátiku”. Nia hatete

Nia hatutan, “Ita nia komprimisiu oinsa servisu profisional bele implementa politika no programa sira husi nonu governu konstituisional nian iha eventu ne’ebe mak envolve ema hotu.”Dehan nia iha salaun katedral quinta feira 13/07/2023.

Entretantu, Missa Agradesimentu ne’e Hala’o iha Igreja Katedral, Arché Dioseze Metropolitanu de Dili, Missa ne’e Prezide Direita husi Dom Leandro Maria Alves, Atuàl Bispu Dioseze de Baukau

Missa Dahuluk ba Bispu Dioseze Baucau Foun ne’e sei Hala’o iha Igreja Katedral de Baukau, Loron 21 Jullu 2023, Hahú iha Oras Tuku sia hó balu

Jornalista: Lidia Amaral