Asidente Bus Liliara Iha Manatutu, Rezulta Ema Na’in 3 Kanek
SAPNewsTL, Manatutu: Bus Liliara Diresaun Munisipiu Baukau no Kapitál Dili ho Xapa Matríkula 38-457 hetan asidente iha Area Postu Administrativu Laleia Munisipiu Manatutu maiz ou Menuz tuku ida meiudia ne’e
Tuir Informasaun ne’ebé SAP News Timor-Leste asesu katak Bus ne’e Viajem husi Munisípiu Baukau mai Kapitál Dili maka sofre asidente iha Área Laleia
Bus Ne’ebe ho Xapa Matríkula 38-457 ne’e tula passajeiru sira husi Baukau mai Kapitál Dili
Tuir Sidadaun Dyma Soares Informa nia Kronologia katak, “Bus Liliara ne’e ohin husi Baukau atu ba Díli mak iha Laleia nian mak mosu asidente no Bus Diresaun Baucau-Dili, Bus rua ne’e sira halai tutuir malu bus ida halai uluk Bus Liliara ne’e iha subida nia para uituan depois halai fali, entaun bus liliara ne’ebe mai ho velosidade makaas uituan husi dook, to’o iha subida no trava husi dook maibe labiban hodi baku fila”. Hakerek Dyma Soares ba SAPNewsTL, liu husi Mensagem Iha Manatuto, 14/07/2023
Nia akresenta, “Bainhira estrada halai tun nian hodi baku fila, iha bus seluk ne’e halai tiha, Bainhira Bus Liliara baku fila, maske Nune’e, Maibé parte Polísia Nasional Timor Leste (PNTL) Munisipiu Manatuto tahan(asegura) ona bus refere”.Nia hakerek
Nia Esklarese, Insidente ne’e la Rezulta pajaseiru Mate Maibé iha passajeiru Nain tolu Mak hetan kanek, Entre Sira passajeiru ida Mak Kanek todan
“Graça a deus pasajeirus la lakon vida, Maibe iha pasajeiru nain 3 mak kanek no iha ida mak kanek todan maibe lori ona ba hospital Manatuto hodi hetan tratamentu intensivu, iha pasajeirus balun mak sei trauma”.
Hafoin Asidente ne’e akontese, Parte Segurança Munisípiu Manatutu mos to’o kedas iha fatin akontesimentu hodi asegura Kondutor no halo investigasaun
Notícia seluk Jornalista SAP News TL sei Rekolla no Públika iha Oras balun tuir Mai
Jornalista : Esmeralda da Silva