EhD Konsidera Guvernu Fahe Osan Halo Povu Barak Sai Baruk Ten
SAPNewsTL, DILI-Ema ho Defisiénsia (EhD) Federico Hornai ne’ebe fa’an pulsa ho sigaru iha area Timor Plaza, kritika guvernu tanba guvernu fahe de’it subsídiu ba sidadaun sira liu husi Segurança sosial maibe ladauk kria kampu traballu ba sidadaun sira ikus mai halo ema barak sai baruk teen
Ema ho difisensia Frederico Hornai, ne’e mai husi Munisípiu Lautem Postu Administrativu Iliomar. Faan sigaru ho pulsa hodi sustenta nesesidade familia nian
“Ha’u mai iha Dili desde 2003, kontinua hau nia estudu iha eskola 10 de Dezembru, no to’o ohin loron hau hela iha Dili no hela iha Bebonuk. Aktividade ne’ebe mak agora dadaun hala’o mak fan pulsa hodi sustenta ba nessesidade lor-loron”.Dehan Ferderico Hornai ba Jornalista SAPNewsTL iha Timor Plaza, 02/10/2023
Federico iha oan nain rua(2), ne’ebe mak agora ida eskola iha ensinu primaria quartu ano, no segundu seidauk eskola.
Nia haktuir katak apoiu ne’ebe mak governu fo ba ema ho difisiensia ne’e hanesan kariedade tanba nia diak liu fo servisu do que fo osan hodi halo baruk ema
“Ha’u ladun satisfas tanba dala barak ita bele hatene katak diak liu fo oportunidade do que fo karidade , tanba antes governu nia programa ne’ebe durante tinan barak la’o ne’e halo baruk ema tanba ne’e mak ha’u laos koalia at ba governu maibe tuir lolos”.nia hateten
Nia salienta katak governu fo oportunidade ba ema ho defisiensia tanba iha lei hakerek katak direitu hanesan, entaun saida deit importante liu mak sira tenke fo opportunidade ba ema ho defisiensia
“Klaru katak ba ha’u oportunidade servisu ne’e importante liu-liu ita halo buat ruma ba ita nia nasaun hafoin hetan benefisiu husi ne’eba, dala barak ita iha uma deit mak governu fo osan ne’e la diak”. Nia krítika
Nia informa katak agora la tempu ona atu hamosu konflitu iha fatin-fatin maibe saida mak bele halo hodi kontribui ba nasaun maka damen, amizade , estabilidade no dezenvolvimentu ne’ebe hola parte ema hotu no laiha diskriminasaun
Jornalista : Antonio Tilman