Emersia Sai Diretora FONGTIL, Labarik Feto Foti Pozisaun

SAPNewstl, Dili : Emersia Teresa Menezes da Costa sai diretora FONGTIL iha minutu balun, iha ne’ebe organiza sosiedade sivil hodi selebra loron mundial feto ne’ebe mak monu iha 11 Fulan Outubru tinan ne’e, objektivu husi programa ne’e atu promove no fanun labarik feto sira hodi hakonu sira ho experiensia no hakroat sira nia mentalidade ba futuru

Tuir Diretora FONGTIL Emersia Teresa Menezes da Costa konsidera espasu no biban sai diretora FONGTIL ne’e nu’udar orgullu ida tanba bele hatene lidera no organiza iha minutu balu nia laran

“Kona-ba foti pozisaun nu’udar Diretor FONGTIL iha oras balu nia laran, ha’u senti kontenti tebes bele hatene lidera, bele halo abertura, bele sai feto ne’ebe forte liu tan. Ha’u nia planu ba oin ha’u sei fahe tutan fali lisaun ne’ebe mak ha’u hetan ba kolega feto sira seluk, atu kolega feto sira kontinua buka aprende no aproveita oportunidade ba futuru”. Dehan Emersia Teresa Menezes da Costa, iha Salaun FONGTIL, segunda-feira(19/09/2022)

Tuir Diretor Executivu FONGTIL Valentim da Costa Pinto  hateten Enkontru ohin ne’e partisipa husi Bainaka Espesial mai husi ami nia parseiru Plan Internasional Timor-Leste ninian, iha ne’ebe konvida alin Emersia ne’ebe mai hanesan troka kargu nu’udar diretora executivu FONGTIL iha oras balu nia laran

Enkuantu, ida ne’e akontese tanba prepara ba loron mundial internasional feto nian ne’ebe sei monu iha dia 11 de Outobru fulan oin, Plan Internasional tinan-tinan sempre halo buka atu promove feto sira, hodi buka kargu sira ne’ebe iha knaar hodi halo serbisu ba publiku sira liliu ba sosiedade sivil, parlamentu, governu, no Prezidente da Repúblika hodi hahú katak atu promove feto sira nia mentalidade.

“Tinan ida ne’e FONGTIL agradese tanba hetan oportunidade ida ne’e hodi haforsa liu tan ami nia knaar liliu hodi tau matan kona-ba  aktu injustisa sira, ami iha serbisu auditoriu sosial ida hodi tau matan ba setor edukasaun, ami haree liliu oinsa mak bele fo oportunidade atu haree protesaun ba labarik feto sira. Liu-liu ba kaben sedu no violensia hasoru labarik feto sira, Ami iha obrigasaun moral hakarak promove liliu ba alin feto sira nebe iha kompetensia hodi halo jestaun ba lideransa.” Dehan Nia

Alende ne’e koordenador plan internasional Laura Soares abrantes afirma katak aktividade ohin plan internacional apresenta Alin feto Emersia  Teresa Menezes da Costa hodi mai tur posisaun sai diretora FONTIL iha minutu balun nu’udar fo experiensia no fanun ba sira hodi prepara an ba futuru

“Atu selebra loron internasional feto iha 11 de outubro entaun aktividade ohin loron ne’e objetivu prinsipal atu fo oportunidade bá foinsa’e feto sira atu iha ona esperensia atu tur iha pozisaun ida, Alin Emersia ohin nia aprende oinsa hodi ajuda nia estudu ne’ebe mak iha ba, ohin nia mai foti pozisaun hanesan Diretora FONGTIL entaun nia hetan ona esperensia senhora diretora ida  hodi lidera organizadora sosiedade sivil hamutuk atus rua limanulo(250)”. Nia sublinha

Enkuantu, tuir planu labarik feto sei foti pozisaun nu’udar diretora hodi dirije, koordena, portantu, programa refere sei realiza iha 22 de Setembro ne’e ho meiu dialogo nasional

Jornalista : Marcela Lemos & Marcela da Costa

Editor       : Luis Pailofo