Faluk & Oan Defisiénsia Na’in 3 Hela Iha Uma Ne’ebe Kondisaun Ladiak

SAPNewsTL, Vikeke : Hafoin akompanha kondisaun Familia Vulneravel ne’e liu husi sosial media, Prezidente Repúblika, José Ramos-Horta, fó apoiu umanitáriu bá inan-faluk ho nia oan na’in tolu ne’ebé sofre difisiénsia fízika no mental., Familia refere hela iha uma ne’ebe ho kondisaun ladiak

Hafoin Xefe Estadu hare iha média sosiál iha fulan balun liu bá, Prezidente Repúblika orienta ekipa Assesoria Apoiu Sosiedade Sivíl no Servisu Sosiál, hodi hakat diretamente ba rezidénsia, difisiénsia na’in tolu iha Suku Makadiki, Postu-Administrativu Watulari, Munisípiu Viqueque

“Xefe Estadu iha fulan ida liu ba, haré iha media sosiál, nune’e haruka ami mai observa kondisaun moris família ida ne’e nian no lori mos apoiu humanitáriu balun husi Prezidente Jose Ramos Horta. La promete, maibé sei relata ba Prezidente Repúblika no ba oin, apoia saida mak bele halo-tan ba família liu-liu, maun-alin ema ho difisiénsia na’in tolu ne’e,’’ dehan Assesór ba Assuntu Sosiedade Sivíl no apoiu Sosiál, Quintiliano Moníz Carvalho iha vikeke, Kinta (23/02/2023)

Luis Ximenes, reprezentante família difisiénsia, agradese ba Prezidente Repúblika ne’ebé tulun ona família difisiénsia na’in tolu ne’e.

‘’Obrigadu barak ba Prezidente Repúblika ne’ebé mai to’o fatin ne’e, liu husi ekipa ne’ebé ajuda ona ami” Tenik Nia

Sira iha na’in 8, feto tolu ne’ebé forma ona família, mane na’in 4, no Luis Ximenes mak nia kondisaun di’ák, na’in tolu seluk difisiénsia, nune Loron-loron, nia Ama mak tein ba na’in tolu ne’e, se lae nia bin sira mak tein.

“Além ida ne’e, Luis Ximenes nu’udár maun-bo’ot ne’ebé forma ona família mos husu ba Prezidénsia Repúblika atu ajuda mákina dulas nú, nune’e hafasil nia atu buka osan, nune’e bele hare ba nia família no nia alin na’in tolu”Dehan Luis Ximenes

Iha tinan 1995, Luis ne’ebé famozu ho talentu futeból iha Postu-Administrativu Watulari, lori nia klube kompete iha nível munisípiu iha Dili no kontinua ba Indonézia, maibé labele kontinua talentu ne’e tambá hare ba nia alin-na’in tolu ne’ebé moris ho kondisaun difisiénsia.

“Maun-alin ho difisiénsia fízika no mental mak hanesan Bernandino da Silva, Clementino Pinto, Cipriano Pinto ho idade liu ona 25 no durante ne’e nia inan Rofina Monteiro ho idade 70 resin mak tau-matan ba na’in tolu, ho nia maun bo’ot Luís Ximenes ne’ebé buka hela servisu iha vila” Nia hakotu

Entretantu, ajudu ne’ebé Prezidente Repúblika oferese, hanesan ai-han, sasan toba no apoiu seluk ne’ebé oferese rasik husi Xefe Estadu, José Ramos-Horta, Enkuantu, Apoia ne’ebe hanesan, ekipa Presidente Republika antes ne’e halo ona apoia ba familia lubun ida iha Lautem Postu Lospalos, Baukau, inklui sira seluk tan

Enkuantu, Tuir observasaun nota katak familia refere hela iha kondisaun uma ne’ebe ladun diak, tanba durante ukun an ladauk hetan apoiu husi estadu hodi hadia hikas uma refere hanesan Programa Uma Kbiit Laek (UKL) no UKL+ no seluk tan, espera ho programa uma naroman ba povu bele tulun familia refere iha futuru

Joranlista : Vinsensius Saldanha