Família Kandidatus F-FDTL Halo Protestu Hasoru Ministériu Defeza

SAPNewsTL, Dili, 19/07/2022: Tuir Monica Tong husi Postu Administrativu Lospalos  Representa Familia Hodi Hato’o Preokupasaun Ba Komisaun Rekrutamentu Membru Foun Falentil Forsa Defesa de Timor-Leste (F-FDTL), Iha Tinan Kotuk Ne’ebe Naran Sira La Sai No Tau Iha Rejerva Maibe Nafatin La Sai Iha Tinan Ne’e.

“Ha’u ko’alia forsa, foin dadauk ne’e sira nia naran taka sai ona balun iha rejerva no balun laiha liu maibe iha rejerva mos naran lasai no ema ne’ebe sai ona membru F-FDTL mos nia naran nafatin taka sai i balun naran sai rua entaun sira impede maluk sira ne’ebe hakarak atu tuir teste rekrutamentu membru F-FDTL, ho ida ne’e ami familia sira hakarak atu hasoru diretamente komisaun maibe komisaun nunka mais atende ami, maibe komisaun haruka fali ami ba hasoru general maibe ami hatene general ne’e laos ema baibain atu ami ba hasoru”, Dehan Monika Tong ba Jornalista sira iha Quartel Geral F-FDTL Fatuhada Dili Tersa-Feira (19/07/2022).

Nia hateten sidadaun hotu-hotu iha direito ne’ebe mak hanesan maibe nia alin rasik ho sira seluk ne’ebe mak tinan kotuk tau iha lista rejerva no tuir kriteria naran la sai.

“Iha lista rejerva naran hot- hotu sai maibe ha’u nia alin naran nafatin lasai no maluk sira seluk naran lasai, ami hakarak hatene deit ida ne’e, sidadaun Timor nusá mak laiha direitu pois ema forsa ona nusa sira foti nafatin sira nia naran entaun impede maluk sira ne’ebe hakarak atu tama forsa, lista rejerva ema 18 pessoas maibe nain tolu liu tiha iha primeiruetapa, hein iha segundu etapa, sira dehan fali iha kriteira idade 25 mai kraik naruk 165 ba leten maibe nia nafatin lapassa”, Monica lamenta.

Iha fatin hanesan Florentino Soares kódigu Lean Mauloi, aman ba Afonso Sares Babo lasatisfas ba nia oan naran taka sai ona iha Posto Atsabe maibe bainhira konfirma iha Quartel naran laiha.

“Temi ida forsa espesial, patriotas espesial ba veteranus nia oan, ha’u fo tiha ona vida liberta ona nasaun ida ne’e sai indepedensia, ha’u laiha kapasidade entaun ami fila to’o ikus mai maun bo’ot sira dehan tenke rekrutamentu hatama mos veteranus Falentil nia oan ida ne’e mak ami lori mai halo treinamentu ne’e hotu taka sai naran iha Atsabe ne’e iha mai fali iha naranlaiha”. Dehan Florentino Soares kódigu Lean Maulo

 Nune’e mos Jaco Maya Soares nia aman Mateus Mais Jero kódigu Lases haforsa tan katak maske nia oan tuir regime espesial maibe iha tinan kotuk naran lasai no tinan ida ne’e mos nafatin la taka sai.

“Ha’u ejize mak sira hamutuk 1800 ne’e hotu selesaun ruma mak monu iha saude kamonu iha kriteria teste nian, ami inan aman simu realidade tanba latuir teste ruma tanba sa naran ne’e lasai hanesan ha’u nia oan idade 23 anos alturas to’o hela 165 nusa nia lato’o, ami hakarak simu realidade liu husi selesaun balun ba ne’eba, iha testuruma, iha provas ruma maka laliu  nia moras mak ida ne’e nia labele liu maibe latuir teste nia naruk no nia idade tama kriteira tanba saida nia laliu”. Mateus ezije.

Mateus Mais Jero ho kódigu Lases, lamenta tebes tanba aman uluk luta ba nasaun ne’e maibe nia oan sira la liu iha selesaun.

“Ami hakarak hasoru orgaun soberanu sira para atu haree buat ne’e diak liu ema ne’ebe prense ne’e labele limiti tiha fali ami, duke aman luta para to’o ikus mai saiaileba, ami nia oan mos sai aileba karik ema ida ne’ebe buka ami iha ai laran ikus mai nia oan sai fali FDTL  uluk nia aman tentara buka ami ikus mai sai fali F-FDTL, lójika ne’e iha ne’ebe para ami sira ne’e sai vitima diak liu ami bele mai hamri’ik iha ne’e tiru mate ami”. Hakotu Nia.

Jornalista : Vinsensius Morais & Marcela Mery da Costa