SAPNewsTL, Dili : Universidade Dili (UNDIL) nia Fakuldade Engenharia, Departamentu Industria hala’o Feira Ba Siénsia no Abilidade ho tema “Haburas Siénsia no Teknolojia Mak Nu’udar Pasu Úniku Ba Dezenvolvimentu Nasionàl
Iha Intervista Reitor UNDIL, Feira Akadémika ne’e hodi esplika ba povu talentu foun no inovasaun ne’ebe estudante sira iha liliu transforma lixu no sensibiliza ema hotu hodi hadomi ambiente
“Halo Feira ida ne’e atu esplika ba povu, talentu foun ne’ebe ita nia estudante sira halo durante sira aprende teoria, agora sira prátika, sira mos sei halo hela inovasaun ne’ebe diak, preparasaun ba solda sira, oinsa ho industria kiik oan sira hodi hamosu resiklajen tanba, Dili foer ba bebeik tanba ita la hatene hadomi ambiente”. Tenik Magnífiku Reitor UNDIL José Agustinho da Costa Belo ba Jornalista sira iha Kampus UNDIL, 05/09/2023
Timor Leste prezisa halo kompetisaun, wainhira tama iha Association Southeast Asian Nations (ASEAN), Timor presiza kompete ho kapasidade ne’ebe diak
“Ita prezisa halo kompetisaun ne’ebe diak, Karik ita tama Iha ASEAN, ita sei prezisa kompete ho kapasidade, preparasaun ne’ebe diak ho ita nia estudante, ita tenki iha preparasaun ne’ebe maximo no diak, ita fo biban ba sira para atu sira bele halo diak liu tan, feira ba bebeik hatene ba futuru bele kompete”. Reitor Subliña
“Area geologia, ita iha fatuk oioin, rekursu naturais barak maibe ita nia kapasidade para atu komprende sasan sira laiha, entaun ita husik liu deit, ita sei halo promosaun ba nivel lokal, ita prepara hela ba oin ita bele halo kompetisaun ho rai seluk”. Jose Belo hateten
Nia akresenta, “karik ita iha kapasidade, Timor Labele ba deit Timor maibe Timor tenki ba mundu, para la’os ema lalos konhese deit Direito Humanus no politiku maibe kapasidade teknologia hodi hatudu katak maske nasaun ki’ik maibe vizaun boot”. Nia teni
Iha fatin hanesan, Xefe Komisaun Organizadora Ervina Assis Belo informa, UNDIL realiza atividade hirak ne’e hodi prepara, forma no eleva kapasidade estudante sira nian ba lideransa no hamoris espíritu emprendedorizmu, promosaun programa estudu no promove ambiente saudável ba estudante sira
Programa feira ne’e mos, Komisaun realiza atividade sira hanesan kompetisaun sertame, diskursu no debate públiku ba estudante sira
“Atividade sira mak hanesan kompetisaun sertame, diskursu, debate públiku, ba futuru ami nafatin kontinua atividade sira hanesan ne’e tanba haburas siensia no teknologia nu’udar faze uniku ba dezenvolvimentu nasionál ne’e inspira Ami hodi kria atividade sira hodi kaderniza malu, iha feira ida ne’e iha transformasaun lisu, agua no plastik mamuk sai tijolu, logu universidade, logu industria nian”. Dehan Ervina
Enkuantu, Estudante UNDIL mos preokupa kona ba jestaun lixu iha Kapital Dili tanba fo impaktu ba ema nia no halo sidade nasaun nia ambiente sai foer no deskontroladu, nune’e sira nia parte sei luta hodi promove politika resiklazen, reduz no reutiliza lixu iha Timor Leste
