FETU-TL Realiza Kongresu Extra-Órdináriu
SAPNewsTL, Dili : Federasaun Tiru Timor-Leste (FETU-TL) realiza kongresu extraordinariu ofisializa estrutura daudaun ne’e hodi kontinua halo jestaun ba administrasaun federasaun diak liu tan no hari’i asosiasaun sira ba kongresu nasional.
“Ohin FETU realiza kongresu extraordinariu ho konteudu prinsipal atu ofisializa estrutura daudaun iha ne’e para kontinua hala’o jestaun ba administrasaun federasaun diak liu tan hodi hari’i asosiasaun sira ba kongresu nasional”, dehan prezidente Domingos Raul “Falur Rate Laek” ba jornalista sira iha Taibessi, Dili domingu (18/02/2024).
Prezidente hatutan, sira hakarak enkoraja uluk Taibessi oan sira, uluk partisipa kompetisaun tiru nian para hari’i kedas ona asosisaun reprezenta Dili, sira sei enkoraja mos ba PNTL ho F-FDTL para hari’i mos asosisaun no sira sei esforsu makaas para hari’i asosiasaun sira iha munisipiu hotu tuir kriteria para sira belerejistu iha Ministériu Justisa.
Falur Rate Laek informa tan, sira husu ba komunidade sira iha munisipiu hotu labele foku ba futebol deit maibe modalidade tiru mos importante hodi valoriza ba eroi sira luta ba libertasaun nasional ne’e.
Entretantu, kongresu extraordinariu FETU-TL ne’e sira substitui sekretariu jeral tanba matebian ona, aumenta tan ema ba iha juridiku no fiskal, FETU-TL nafatin lidera husi prezidente Domingos Raul “Falur Rate Laek” ho nia membru sira, kongresu ne’e rasik partisipa husi membru ema nain-23, kongresu ne’e rasik realiza iha loron ida deit.
Reportajen: Augusto dos Santos