Fortifika Fraternidade Humana, KLEAN Anúnsiu Kopa Munisipál no Atividade Pedagógikas

SAPNewsTL, Dili : Atu Fortifika Sentidu Fraternidade Humana, Espiritu Patriotizmu no Nasionalizmu, tane aas valores morais no humana, liu husi Komunikadu Imprensa Organizasaun Klibur Ermera Anan (KLEAN) anunsia ba públiku Kopa Amu Mario Belo, atvidades Pedagogikas no Animasaun sira

Tuir Porta-Voz Prezidente Ezekutivu KLEAN Nuno Araujo dos Santo hateten, Klibur Ermera Anan hanesan kamada akadémiku hakarak fortifika sentidu fraternidade humana no Kuda metin liu tan espiritu patriotismu no nascionalizmu iha Timor Leste

“Ami sei realiza anualmente atividade intelektual, espiritual no animagão pedagógika sira atu tulun foinsa’e, estudantes, funcionários, trabalhador no populasaun hotu munisipiu Ermera nian atu tane aas nafatin valor humanu no espiritual hotu ne’ebé sai hanesan alicerce ba fundamento igreja católica no nação RDTL nian liu husi Kopa Amu Mário Belo”. Tenik Porta-Voz Nuno Araujo dos Santo iha Igreja Balide, 29/09/2022

Entretantu, Porta Voz ne’e salienta registrasaun ba kopa refere hahú iha loron 29 Fulan Setembru no sei remata iha loron 10 Fulan Outobru Tinan ne’e

“Ami hamutuk iha hanoin no klamar ida de’it ho Autoridade Municipal, Veteranos, Vigáraria Foranêa Ermera, empresários, ami Klibur Ermera Anan no mós Associação Futeból Municíipio Ermera, ami declara oficialmente abertura ba registo Kopa Amu Mario Belo nian, hahu iha dia 29 de setembru to’o dia 10 de Outubro de 2022. Fatin registo Office Associação Futeból Município Ermera nian- iha Gleno”. Nia Informa

Nia fundamenta Objetivu husi Kopa ne’e mos atu komemora festa nascional rua: Massakre de Santa Kruz (12 de Novembro de 1991) no dia da Proclamacão da independência (28 de novembro de 1975), inklui mos sei realıza mos atividade pedagógikas sira hanesan (Debate Cietifico, Public Speaking) ne’ebé sei participa husi ensino secundário sanulu resin-lima(15)

komisaun mos sei realiza corrida de rua husi Posto Railaco ba Capítal Gleno ne’ebé sei konkore husi representante 32 pessoas (feto-mane) husi postos adminitrativo sira, nune’e bele hamoris liu tan sentido fraternidade hanesan ermera Anan, komisaun ne’e mos garante eventu munisipal ida ne’e sei lori duni sinal positivu ba kreda katólika no nação RDTL.

Enkuantu, tuir sira PADRE MÁRIO DO CARMO LEMOS BELO, tinan barak serviço duni ho fuan no laran tomak iha Ermera oan nia le’et hanesan Pároku, motivador, edukador no liu-liu reconhesidamente husi povu Ermera oan nu’udar autór principal katak nia protagonista ne’ebé lori no subar, Sua Excelência,Maun boot Kay Rala Xanana Gusmāo iha rai Ermera hodi hamoris região IV ne’ebé kobre (Emera, Ainaro, Liquiça, Bobonaro, Suai no Oecusse)

Journalista: Marcela da Costa & João Marito

Editor         : Luis Pailofo