Timor Oan 60 Toba Iha Jardín Portugal, Kalohan : Investiga Autor Mafiozu Iha TL
SAPNewsTL,Dili : Relasiona ho Joven Timor oan neen nulu (60) ne’ebé agora dadaun toba de’it iha jardin iha Portugal, , Deputadu Bankada PD António da Conceição husu tenke buka tuir no investiga ema sira ne’ebé halo promesa falsu hodi hetan benefisiu husi traballador sira.
Tuir deputadu bankada PD António da Conceição katak Iha fulan kotuk deputadu rasik haree joven iha ne’eba sira nia situasaun halo ema barak preokupa, iha tempu ukun an iha fali joven sira ba toba fali iha ema nia rai, toba tan iha jardin
“Ita ukun an tiha ona, agora joven barak ba toba hela iha jardin no agora daudaun joven sei ba nafatin, presiza ko’alia kestaun ne’ebé seriu no ita bele rezolve tanba rai besik malirin ona ita lakoi ita nia ema sira ba sai fali hanesan pengemis la’os tanba sira nia sala maibé tanba oportunidade ne’ebé maka devia iha ba sira”. Dehan deputadu bankada PD António da Conceição iha Uma fukun Parlamentu Nasional,Tersa-Feira, 27/08/2022.
Deputadu ne’e hatutan, la bele halo promesa katak halo hela akordu atu Timor oan sira ba servisu iha Europa tanba ne’e la fasil.
“Labele halo promesa dehan halo hela akordu atu Timor oan sira ba serbisu iha nasaun Europa, la fasil, ita labele halo promesa hanesan ne’e, se karik serbisu iha Portugal oras hanesan ne’e problema ba sira laiha ona”. Tenik nia
Entretantu deputadau ne’e informa, iha sindikatus sira ne’ebé mak agora dadauk halo hela mafia iha rai laran ne’e prezisa investiga sira didi’ak, ida ne’ebé halo promesa falsu atu foti benifisiu husi traballadores sira tenki buka buat sira ne’e didi’ak.
Enkuantu, tuir informasaun ne’ebe Jornalista SAPNewsTL asesu katak ekipa inteligénsia ba halo ona atualizasaun iha Portugal hodi rekolla informasaun kona-ba prosesu haruka Timor ba rai-liur ne’ebe ikus mai Timor barak sai vitima iha ema nia rain
Jornalista : Ermelinda Soares
Editor : Ekipa Editorial