AJTL Realiza Treinamentu Jornalizmu Ba Paz No ElPar 2023

SAPNewsTL,Díli: Asosiasaun Jornalista Timor Lorosa’e (AJTL)  realiza Formasaun ho tematika  Jornalizmu ba paz no Eleisaun Parlamentar 2023 ba jornalista sira, objetivu husi formasaun ne’e hodi aumenta Jornalista sira nia kapasidade iha área jornalista nian tanba jornalista mak hatutan povu no govenru nia lian

“AJTL fo Formasaun ida ne’e hodi  kontinua promove liberdade imprensa no espresaun iha Timor Leste, halo advokasia no hasa’e kapasidade tékniku no intelektualidade membru AJTL sira, nu’udar prioridade ba AJTL hodi kontribui ba treinamentu tematika Jornalizmu ba Paz no Eleisaun Parlamentár 2023”. Dehan Prezidente AJTL Zevonia Viera ba jornalista sira iha salaun Krus Vermelha Timor Leste Bairo Farmoza Díli, Tersa-Feira,27//09/2022.

Prezidente AJTL ne’e akresenta, eleisaun parlamentar tinan oin, hatene katak papel jornalista importante tebes iha elisaun tuir mai, oinsa mak jornalista sira iha kuñesimentu di’ak atu halo kobertura ne’ebé mak ho kritiku, kle’an nomós lo’os tuir prinsipiu etika jornalistika nian.

“Jornalismu ba paz ne’e importante tebes  oinsa jornalista sira halo kobertura ho perspetiva oi-oin ne’ebé mak foti informasaun barak liu husi ema kbi’it laek, inan feto sira nian, ema difisiensia nian, joven nian, ema adultu sira, ema vulneravel sira, no inklui ukun nain sira, nomós lider partidu sira”. Tenik Prezidente AJTL

Lideransa AJTL ne’e hatutan oinsa maka halo kobertura ne’ebé ho jornalizmu ba paz atu la hamosu konflitu iha situasaun kampaña politiku, tanba kontribuisaun media ka jornalista ba hamosu konflitu mos iha wainhira ita fo informasaun ne’ebé mak hamosu liafuan odiu ka lalo’os.

“Papel importante ne’e AJTL halo atu nune’e membru AJTL iha ona kuiñesesimentu no komprende di’ak atu oinsa foti informasaun ne’ebé mak presiza duni no iha valor notisia ne’ebé mak foti husi perspetivu feto nian, ema difisiensia, grupu no grupu vulneravel joven sira seluk oinsa atu hato’o sira nia aspirasaun ne’e importante liu atu nune’e partidu poliku sira rona no bele responde wainhira sira ukun”. Nia realsa

Entretantu, nia fundamenta, jornalista sira tenke hatene tekniku jornalismu nian, oinsa ho nia intelektual no komprende issu, nomós halo analiza issu sira iha elisaun. pur-exemplu mani politik, subornu korupsaun ema uza osan estadu nian ba sira nia interese ba eleisaun, ida ne’e presiza tebes atu jornalista sira hatene, jornalista sira prepara a’an atu observa nomós halo analiza kle’an ba situasaun sira ne’e.

Enkuantu formasaun ne’ebé organiza husi  Assosiasaun Jornalista Timor Lorosa’e hala’o durante loron tolu husi 27 to’o 29 Setembru no hetan partisipa husi jornalista sira inkluindu JornalistaP SAPNewsTL.

Jornalista: Antonio Tilman

Editor: Ekipa Editorial