Francisco Sai Embaixador TL Ba Mocambique, Kobre Iha Afrika Sul No Angola Dada Investidor
SAPNewsTL(Dili) : Presidente da Repúblika Jose Manuel Ramos Horta halo investidura ba Fransisco Miranda Branco nu’udar Embaixador Timor Leste (TL) ba Mocambique, hodi hala’o kobertura mos iha Nasaun Afrika Sul no Angola.
“Misaun Diplomata RDTL iha Mocambique tuir desizaun Konsellu Ministru, muda mos misaun Diplomataku ba Afrika do Sul no Angola, presiza fali sua excelénsia Presidente da Republica dekreta fali Afrika do Sul no Angola hanesan misaun Diplomata ne’ebe Timor Leste ninia rezidénsia iha Mocambique, halo kobertura mos”. Dehan Embaixador Francisco Miranda Branco iha Palasio Presidensial Nicolau Lobato Bairo-Pite segunda feira nee (19-09).
Tuir Branco, Timor Leste nia misaun Diplomasia iha nasaun rua ne’e importante tebes, maibe hetan kanselamentu, tanba hetan lapsu (falla) uitoan.
” Agora Estadu Timor Leste deside hikas ona katak, misaun Diplomasia iha Mocambique, maibe sei halo mos kobertura ba nasaun Afrika do Sul no Angola, Tanba atu prenxe lapsu ida ne’e maka xefe Estadu tenki dekreta fali misaun Diplomata ba iha Nasaun rua ne’e.”
Aleinde ida ne’e, misaun Diplomasia Timor Leste nian klaru ba area ekonómiku nian, tanba tuir politika Governu nian agora, Iha fatin hotu-hotu misaun mak halo mobilizasaun rekursus atu hatama investidor.
“Tuir ami nia haree, iha area barak, liliu Turismu, infrestrutura, ida ne’e mak barak liu, mandatu ne’e depende desizaun politika Nasional”. (afirma nia)
Entertantu, mensagem, Xefe Estadu Jose Manuel Ramos Horta, husu atu hala’o misaun Diplomasia ne’e ho Diak, nunee bele lori investimentu mai rai laran.
Jornalista : Vinsensius Morais
Editor : Luis Pailofo