FTA Prepara Atleta Na’in 4 Kompete Asian Games 2023 Iha China
SAPNewsTL, Dili: Federasaun Atletizmu Timor-Leste sigla portuges (FTA) prepara atleta nain haat kompete iha Asian Games 2023 ne’ebe sei realiza iha sidade Hangzhou, China iha loron 23 fulan setembru to’o 8 fulan outubru 2023
“Ami husi federasaun atletizmu prepara ona atleta nain haat kompostu husi feto rua mane rua, Atleta nain haat ne’e fiksu ona tanba sira ne’e kategoria no priense rekezitu iha area atletizmu Azia nian maka rejistadu iha baze dadus”.
“Atleta nain haat ne’e mak Felisberto de Deus sei kompete iha 1500m ho 5000m, Manuel Belo Ataide kompete iha 800m, Angela Freitas kompete iha 800m ho 1500m ho Evalita kompete iha 400m, agora sira halo hela treinamentu iha Munisípiu Ermera”, dehan Prezidente Federasaun Atletizmu Timor-Leste Afranio Xavier ba jornalista sira iha salaun Ian Martin Balide, Dili sabadu (22/07/2023).
Prezidente hatutan, jogu Asian Games 2023 besik ona depois governu iha difikuldade orsamentu ba preparasaun no agora federasaun mos iha difikuldade orsamentu ba preparasaun hanesan hahan nutrisaun ba atleta sira.
Afranio informa tan, hare’e tempu mak iha hare’e fali ba sira planeamentu periodu treinu labele ona nune’e difisil ba federasaun atletizmu maibe sira sei entrega tomak ba governu liu husi Ministériu Juventude Desportu Arte Cultura (MJDAC) atu rezolve iha tempu badak
Tanba Antes ne’e ministériu fo sai ona ba publiku katak sei esforsu makaas atende modalidade inklui federasaun atletizmu ba kompete iha Asian Games iha sidade Hangzhou, China iha fulan Setembru 2023.
Reportajen: Augusto dos Santos