PNTL Asegura Autora Soe Bebe Iha Baukau, Mane Kontinua La’o Livre

SAPNewsTL, Baukau: Hafoin loron hirak liu ba espailla iha media sosial kona-ba kazu infatisídiu ka soe bee feto ida ho kondisaun moris hela, iha area Aitune Aldeia Lutumutu Suku Tirilolo Postu Administrativo Baucau, Polísia Nasionál Timor leste (PNTL) ohin kaptura ona Autora iha nia Residênsia Vila Nova Baukau.

Bazeia ba kodiku penal artigu 142 sita oinsa kriminaliza aktu sira ne’ebé inan prátika. Bainhira inan ida oho ka soe bebe signifika inan komete krime ka viola direitu labarik ida nian hanesan sidadaun.

Tuir fontes informasaun ne’ebé SAPNews asesu iha pájina facebook, hatudu katak komandu PNTL Munisípiu Baucau orienta ona ofisial polísia sira serbisu hamutuk ho diresaun Vulnerable Person Unite (VPU) sabadu fin de semana ne’e, kaptura ona suspeitu ho inisial AB, ne’ebe soe bebe, iha nia rezidensia Vila Nova, Baucau.

Maske enkuadramentu legal sobre Kazu soe bebe iha Timor leste (TL) ratifika ona iha konvensaun Internasionál kona-ba direitu labarik ho masimu tuir Konstitusaun Repúblika Demokrátika de Timor-Leste (RDTL) ne’ebé mak preve ona iha artigu 18 katak labarik hotu-hotu iha direitu masimu hetan protesaun husi familia, komunidade no estadu ne’ebé pertese ba.

Maibé kazu infatisídiu ka soe bebe nafatin akontese husi ema ne’ebé hatudu hahalok irresponsabilidade moral, husi tempu ba tempu, signifika hahalok ka abuzu direitu labarik nian kontinua akontese iha territóriu nasionál no autora sira la prátika direitu fundamental haat ne’ebé hakerek ona

Viola direitu fundamental haat ne’ebe fundamenta iha Konstituisaun RDTL mak hanesan, dahuluk, Direitu ba sobrevivente, daruak direitu ba Dezenvolvimentu, datoluk direitu ba protensun no dahaat direitu ba partisipasaun.

Entertantu, Hafoin Polísia Nasionál Timor Leste (PNTL), Munisípiu Baucau asegura Feto ida ne’ebé Soe Bebe, Seidauk buka tuir Mane ne’ebe mos pratika domin hodi kontribui ba oan ne’e nia moris, ikus mai bebe mak tenki sai vítima no soe iha ailaran hadoin labarik ida mak hetan no lori ba uma

Maske Nune’e, Maibé bebe ne’ebe hetan iha ai-laran la konsege salva nia vida wainhira hetan tratamentu emergênsia iha Ospitál Referal Munisipiu Baukau

Enkuantu, Tuir dadus Soe Bebe ne’ebe akontese iha tinan ne’e foin mak Sidadaun ho inisial AB ne’e iha Postu Administrativu Baukau Villa, Munisipiu

Jornalista: Marcela Mery da Costa