FTTL Sei Realiza Kampionatu Nasional Iha Fulan Juñu 2023

SAPNewsTL, Dili: Federasaun Taekwondo Timor-Leste (FTTL) sei halo kampionatu nasional iha fulan juñu hodi halo fali selesaun ba Atleta foun sira tama selesaun nasional taekwondo Timor-Leste.

“Ami nia kampionatu nasional iha tinan ne’e daudaun ne’e ami sei hein fundu apoiu husi KRAM fo ba organizasaun arte marsial sira inklui FTTL nune’e ami proposta mos hatama ona KRAM, ami asina akordu servisu hamutuk depois mak ami hetan fundu ne’e tanba ami nia proposta ami hatama ne’e tau mos realiza kampionatu nasional ba tinan ne’e, agora ami hein deit ona fundu karik iha fulan maiu mak tama ona ami nia konta bankaria ami sei realiza kampionatu nasional iha fulan juñu depois eleisaun parlametar 2023 iha loron 21 fulan maiu 2023”, dehan prezidente FTTL Gabriel da Costa ba jornalista sira iha jinajiu desportu Dili kinta (13/04/2023).

Prezidente hatutan, bainhira fundu kampionatu nasional tama konta bankaria FTTL sira sei avizu ba dojan sira iha munisipiu hotu prepara atleta sira mai tuir kampionatu ne’e, kampionatu nasional ne’e sira sei halo ba atleta senior no junior maibe karik orsamentu sufisiente sei halo mos ba atleta kadet ho pra-kadet no atleta sira kompete ne’e feto mane nain lima hotu hein katak dojan sira hotu halo selesaun ba atleta sira para lori atleta diak mak tuir kampionatu ne’e.

Nia infoma, orsamentu FTTL tau iha proposta ba kampionatu nasional hamutuk 27,000 USD ba dojan sira rejistu iha FTTL iha munisipiu Dili hamutuk 40 no iha asosiasaun iha munisipiu sira ne’e dojan barak masimu lima no minimu rua ne’ebe mak sei lori sira nia atleta feto lima no mane lima mai kompete kampionatu nasional iha tinan ne’e.

Reportajen: Augusto dos Santos