FVTL Prepara Atleta Voleibol Praia Na’in-6 Ba Sea Games 2023

SAPNewsTL, Dili: Federasaun Voleibol Timor-Leste FVTL hahu prepara ona atleta mane voleibol praia nain neen ba ekipa tolu hodi partisipa Sea Games 2023 ne’ebe realiza iha Nasaun Cambodia.

“Federasaun Voleibol nia partisipasaun iha Sea Games 2023 iha Cambodia, ita prepara tiha ona ekipa tolu atleta mane deit nain neen ne’ebe komesa ona treinamentu iha fulan novembru 2022 inklui atleta ne’ebe hetan medalla osan metan ida iha Asian University Games 2022 iha Tailandia”, haktuir Prezidente FVTL Inocêncio Araújo ba jornalista sira iha edifisiu CONTL Colmera, Dili sexta (13/01/2023).

Prezidente hatutan, sira sei halo preparasaun hela ikus liu ba sira nain neen ne’ebe nain haat mak sei reprezentante FVTL iha Timor-Leste ba partisipa Sea Games 2023, sira sei tau atleta nain rua rezerva tanba bainhira iha prosesu treinamentu mak nain haat ne’e ida iha difikuldade labele ba nain rua ne’e bele substitui ne’ebe selesaun ikus ba sira iha fulan abril hodi halo kompetisaun ba ekipa tolu hodi hetan manan nain dahuluk no daruak reprezenta Timor-Leste.

Nia informa, kondisaun preparasaun atleta sira nia sira adapta tuir kondisaun ne’ebe parseiru SEJD nia kapasidade orsamentu, daudaun ne’e apoiu ruma ba desportu husi governu tuir posibilidade ne’e sira bele fo ba federasaun maibe federasaun voleibol nia preparasaun ba atleta lao nafatin tuir kondisaun federasaun nian hodi hein apoiu ruma husi governu ba federasaun hodi halo preparasaun.

Reportajen: Augusto dos Santos