Gradua Finalista 1554 ! Reitor UNTL Fo Agradese Ba Familia & Kondutor Mikrolete
SAPNewsTL, Dili : Universidade Nasional Timor Lorosa’e (UNTL) realiza graduasaun ba dala XXIX ba Estudante Finalista hamutuk 1554 husi fakuldade sia (9), Iha diskursu Reitor UNTL João Soares Martins fo agradese ba familia sira hotu ne’ebe halo sakrifisiu no hasoru sofrementu oioin to’o oan sira gradua iha universidade
Maginifiku Reitor UNTL João Soares Martins hateten, pasiensia no prezeveransa mak save ba susesu tanba ho pasiensia no prezeveransa bele hakat liu difikuldade no dejafiu sira ba oin.
“Pasiensia no prezevenransa mak savi hodi ultrapasa difikuldade, dejafiu no problema sira hodi hakat ba susesu, Gradausaun esensial tebes ba universidade, estudante no familia sira”. Maginifiku Reitor UNTL João Soares Martins liu husi nia diskursu iha Auditorium Fakuldade Engenaria Ciensia no Teknolojia Hera, 23/11/023
Reitor UNTL mos fo agradese ba dosente sira, funsionariu sira no staf sira hotu ne’ebe halo sakrifisiu oioin hodi kontribui ba estudante sira nia prestasaun estudu to’o remata.
“Ba dosente sira, agradese ba imi nia dedikasaun, sakrifisu, dezenpenhu ba estudante sira, orgullu boot ida ba imi hotu”. Reitor UNTL sublinha
Iha oportunidade ne’e, Reitor UNTL mos fo agradese ba ba inan aman no familia sira ne’ebe halo sofrementu oioin hodi apoia no luta ba oan sira nia susesu.
“Agradese ba inan aman sira, familia sira, fen sira, laen sira, agradese ba imi nia terus no sofrementu hotu, agradese mos ba kondutor mikrolete sira, agradese mos ba ró nakroma, agradese ba sira hotu”. Reitor João Soares Martins fo agradese
Enkuantu, Graduasaun ba dala XXIX refere ba Estudante Finalista hamutuk 1554 husi fakuldade sia (9), Fakuldade Agrikultura graduadu hamutuk 154, Fakuldade Ciensia Sosiais hamutuk 219, Fakuldade Ekonomia e Gestaun hamutuk 68, Fakuldade Engenaria Ciensia no Teknolojia hamutuk 103, Fakuldade Edukasaun Arte no Humanidade hamutuk 643, Fakuldade Medisina Ciensia no Saude hamutuk 263, Fakuldade Direitu hamutuk 44, Fakuldade Filosofia hamutuk 44 no Fakuldade Ciensia Ezatas hamutuk ema nain 3.
Serimonia Graduadaun ne’e la’o durante loron rua 23-24 Fulan Novembru tinan 2023, Ohin Fakuldade Agrikultura, Fakuldade Ciensia Sosiais, Fakuldade Engenaria Ciensia Teknolojia no Fakuldade Medisina Ciensia de Saude
Jornalista : Jonh Marito