ESG-PNLS Simu Vizita Ikus Professor, Aderito Nia Isin Mate
SAPNewsTL, Manatuto-Eskola Sekundariu Geral Prezidente Nicolau Lobato Soibada (ESG-PNLS) simu vizita ikus matebian professor, Aderito da Costa, nia isin mate iha resintu Eskola Sekundariu Tekniku Vocasional no Sekundariu Geral (ESG-PNLS) Soibada.
Diretor Eskola Secundariu Geral Prezidente Nicolau Lobato, Joanico da Costa senti triste tebes tanba eskola lakon ona rekursu diak ida ne’ebe kontribui trasforma siensia ingles, ba estudante sira.
“Hanesan Diretor da eskola hamutuk ho konselho estrutura no estudante sira hotu hato’o ami nia omenajen ikus ba ami nia belun Aderito, ho hakruk husu deskulpa, tanba eskola ida ne’e menus professor maibe ohin eskola lakon ona belun diak ida ne’ebe pasensia no simples hodi kontribui transforma siensia ba estudante sira.”
“Senti trizte tebes tanba eskola tenki lakon tan manorin diak ida, maske eskola ne’e menuz professor”.Dehan, Diretor Eskola Secundariu Geral Prezidente Nicolau Lobato, Joanico da Costa ba SAPnews,TL iha knaar fatin eskritoriu (ESG-PNLS), Sexta (24/11/2023).
Dirijente ESG-PNLS, ne’e realsa Triste los tamba professor Aderito hanesan responsavel segundu ano turma B maibe nia la konsege lori estutante sira hakat ba terseiru ano, tanba hakotu ona nia jornada moris.
Aleinde ne’e, Ministeiru Edukasaun tau ona iha planu asaun anual ba professor kontratadu sira ultrapasa ba rejime espesial publiku,maibe kuitadu professor,Aderito la konsege hakat hodi goja nia direitu tanba hakotu ona nia jornada moris.
“Ami hakarak rekomenda ba Ministeiru Edukasaun Joventude Desportu (MEJD), karik iha tinan 2024 ministeiru planu ba rekrutamentu professor, atu bele simu pedidu subtituisaun professor ingles ida husi Eskola Secundariu Geral Prezidente Nicolau Lobato Soibada (ESG-PNLS) tanba menus professor”.
Biografia professór Aderito da Costa, ho naran bolu (Adhe),moris iha Postu Administrativu Soibada munisipiu Manatuto iha loron 26 fulan Abril tinan 1987, Matebean hanesan oan daruak husi Firimino Gonzaga Soares no Tereza Soares da Cruz husi maun alin hamutuk nain neen (6) ho profisaun familia nian hanesan agrikultór, matebian Aderito da Costa mate husik hela fen ho oan nain tolu (3), familia, estudante no maluk professór sira hotu.
Professor Aderito hahu eskola primaria iha Ensino Basiku Central Samoro (EBCS) Iha tinan 1995 – 2001, kontinua nia estudu iha Ensino Basiku sentral katolita Aitara (EBCC sigla Portugues) iha tinan 2002-2004, nivel Secundariu iha tinan 2005-2007 no kontinua estudu iha, Universidade Oriental Timor Lorosa’e (UNITAL), iha tinan 2011 too 2016, Professór Aderito, hahu hetan formasaun profesionàl iha tinan 2008-2010 tuir kursu lian inglhes iha, Fatuhada Dili.
Dedikasaun ne’ebe kontribui husi professór Aderito da Costa iha tinan 2016 hahu voluntáriu iha Eskola Secundariu Geral Prezidente Nicolau Lobato Soibada, hafoin Ministeiru Edukasaun kontratu professór Aderito da Costa hodi sai hanesan manorin lian ingles.
Kontribuisaun boot ne’ebe nia halo ba nasaun Republika Demokratika de Timor-Leste (RDTL),Liu husi haknar an hanesan professór durante tinan hitu (7) nia laran hamutuk ho maun alin professór sira seluk hodi trasforma siénsia ba estudante sira.
Ohin professór Aderito la hambrik hamutuk ona ho ita maibe, durante tinan barak nia husik hela esperensia lubuk boot ida ba familia, estudante no komunidade hanesan edukador mestri no aman ba nia oan sira.
Jornalista : Guilhermino Ramos da Cruz