JSMP Preokupa Tribunal Hadia Prosesu Julgamentu Beibeik Ba Povu Rural

SAPNewsTL, Dili– Jusdicial System Monitoring Program (JSMP) lansa relatoriu kona-ba persepsaun no satisfasaun utilizador no fornesedor sira iha sistema justisa, kona-ba kazu violensia bazeia ba jeneru

Tuir Diretora JSMP hateten katak relatoriu ne’ebe mak sira halo ne’e oinsa atu hatene kona-ba sistema atendimentu ne’ebe mak iha sistema justisa.

“Ohin loron JSMP lansa relatoriu importante ida kona-ba satisfasaun utilizador sira iha sistema justisa no mos fornesedor sira nia atendimentu ba utilizador sira nian, survei ne’e hanesan primeira vez ba JSMP atu hatene klean kona-ba duvida no preokupasaun povu nian ba sistema justisa”.

 

“Survei ida ne’e mos hanesan haklean deit maibe preokupasaun sira ne’ebe durante ne’e akontese iha ita nia leet,dala ruma ita rasik,ita nia familia no ita nia komunidade preokupa ho atendimentu”. Dehan Diretora JSMP,Ana Paula ba jornalista sira iha suai room Timor Plaza,Quinta-feira(23/11/2023).

Nia salienta katak husi surve ne’e, JSMP halo intervista ba juize sira,prokurador, advogadu privadu sira, vitima, arguidu, testemunha sira no husi resultadu intervista no survei katak kona-ba sistema justisa prezisa hadia buat balun

“Hanesan hadiamentu ne’ebe han tempu kleur no depois hanesan notifikasaun ou informasaun ba parte sira ne’ebe hadia ne’e mos ba tempu ne’ebe badak deit bainhira sira ba tribunal maka foin dehan katak ohin loron la konsege julga, ida ne’e mos afeita tebes ba povu sira iha area rural,”

“Tanba sira mai husi fatin dook, sa’e transporte publiku uza sira nia osan rasik, osan mos dala ruma montante bo’ot tanba sira mai husi area rural kuandu hanesan ne’e bebeik sira mos lakoi mai ona Tribunal, tanba ne’e husu ba fornesedor sira atu serbisu no halo atendiementolu ne’ebe diak”.nia husu

Iha fatin hanesan, Reprezentante Adjunto Prokurador Jeral Repbulika Nelson de Carvalho hatete inisiativa husi JSMP ne’ebe halo survei ba sistema justisa formal ba kazu violensia bazeia ba jeneru.

“Monitorizasuan ba sistema justisa husi JSMP ba relatoriu survei, ohin halo lansamentu survei husi JSMP ba presepsaun no satisfasaun utilizador no fornesedor sira serbisu iha sistema justisa formal ba kazu violensia bazeia ba jeneru”.

 

“JSMP ho inisiativa hodi realiza estudu kona ba materia violensia bazeia ba jeneru katak violensia tuir ordiniamentasaun kona-ba ema barak liu feto no labarik sira no forma nu’udar obstaklu ba kontralizasaun objetivu atu respeita dignidade no prioridade umanu.”Dehan nia

Enkuantu, Violensia bazeia ba jeneru nu’udar asuntu ida ne’ebe importante tebes tanba tuir dadus estátiku ne’ebe hatudu relatoriu ne’ebe tinan rua(2) nian kona-ba atividade iha serbisu ministru publiku nian husi tinan 2021 to’o 2022 registu kazu oioi.

 

Lansamentu ne’e partisipa hosi Reprezentante Prezidente Tribunál Rekursu, Meritísimu Juis Konselleru Tribunál Rekursu, Dr. Duarte Tilman, Reprezentante Prokuradoria Jerál Repúblika, Dignísimu Prokuradór Dr. Nelson de Carvalho nu’udar Adjuntu Prokuradór Jerál Repúblika, Asuntu Kontensiozu Estadu, Dr. Nelson Borges nu’udar Defensór Públiku, Sra. Adeline Carrier, Deputy Resident Representative UNDP, Reprezentante Ministériu Justisa, Reprezentante PDHJ, Defensór Públiku husi Tribunál Judisiál Primeira Instánsia Suai, Komandante VPU Nasionál, Parseiru Sosiedade Sivíl, JSMP ninia Doador sira, Dosente no Estudante husi Universidade UNTL, UNPAZ, UNITAL no UNDIL no Mídia Nasional sira.

Lansamentu ne’e realiza ho apoiu orsamentu husi Koica liu husi UNDP ba programa hamutuk ba Igualdade.

Jornalista : Ermelinda Soares