Guvernu Aprova Projetu Lei, Membru PNTL 158 Reformadu Fila Hikas Ba Servisu

SAPNewsTL,DILI- Dignifika sentidu Polísia Nasionál de Timor-Leste (PNTL),Konsellu Ministru (KM) aprova ona projetu rezolusaun governu ne’ebé aprezenta husi Ministru Interiór, Francisco da Costa Guterres

Durante reuniaun Konsellu Ministru (KM) ne’ebé hala’o iha Palasiu governu,Quarta- 27/09/2023, governu aprova ona projetu rezolusaun governu, kona-ba reintegrasaun pesoal ho funsaun polisial sira hodi Polisia Nasionál de Timor-leste (PNTL)

“Governu Timor-Leste (TL), hanoin katak dignifikasaun sentidu servisu husi membru,Polisia Nasionál de Timor-Leste (PNTL) nian maka importante teb-tebes ba funsionamentu efikás no ba manutensaun konfiansa husi asuntu públiku iha instituisaun ne’e, ba fortalesimentu morál no komprometimentu husi membru PNTL”.

Esklaresementu tuir funsionamentu pozitivamente influensia ba kualidade servisu ne’ebé oknum polísia fó ba komunidade, diploma ida-ne’e hakarak atu rezolve kestaun pasajen ba situasaun apozentasaun polisia PNTL na’in-158 nian, ne’ebé halo ona durante governasaun anteriór liu husi prosedimentu ida ne’ebé hetan ona marka ho irregularidade oin-oin.

IX Governu konstitusionál reintegra filafali polísia PNTL hirak ne’e, no fó fali kompensasaun ba sira-nia tempu ne’ebé durante sira hala’o iha tempu apozentasaun, ne’ebé tuir ho sira-nia montante remunerasaun baze mensál no suplementu remuneratóriu sira ne’ebé tenke hetan bainhira sira seidauk tama ba idade ba reforma.

Bazeia ba deskontu ba montante ne’ebé benefisiárius kompensasaun simu hanesan pensaun ferik-katuas nian. Períodu tempu iha ne’ebé profisionál sira-ne’e mantein iha situasaun apozentasaun nian maka konta hanesan fó ona estadu ativu ba efeitu remunerasaun, férias, progresaun, promosaun no apozentasaun

Jornalista: Marcela Mery da Costa